نورۋىگىيىدىكى ئۇيغۇر پۇتبولچى تونۇلماقتا

2008-02-28
ئېلخەت
پىكىر
Share
پرىنت

يېقىنقى يىللاردىن بېرى نورۋېگىيە ھۆكۈمىتىنىڭ ئۇيغۇر ئىلى ۋە ئۇيغۇر مەسىلىسىگە بولغان قىزىقىشى ۋە ئۇنى تونۇشى يۇقىرى كۆتۈرۈلۈشكە باشلىدى. بولۇپمۇ دۇنيا ئۇيغۇر قۇرۇلتىيىنىڭ رەئىسى، ئۇيغۇر مىللىي ھەرىكىتىنىڭ يېتەكچىسى رابىيە قادىر خانىمنىڭ رافتو كىشىلىك ھوقۇق مۇكاپاتىغا ئېرىشىشى ۋە يېقىنقى ئۇچ يىلدىن بۇيان ئۇدا 3 قېتىم نوبېل تىنچلىق مۇكاپاتىنىڭ ئەڭ كۈچلۈك نامزاتلىرى قاتارىغا كىرىشى ئۇيغۇر ۋە ئۇيغۇر مەسىلىسىنى نورۋېگىيە ھۆكۈمىتى ۋە خەلقىغە تونۇتۇشتا ئەڭ ئاچقۇچلۇق رول ئويناپ بۇ دۆلەتكە كېلىدىغان ئۇيغۇرلارنىڭ سانىنىڭ تېز كۆپىيىشىدە تۈرتكىلىك رول ئوينىدى.

ئۇيغۇرلارنىڭ سانىنىڭ كۆپىيىشى بىلەن ئىلگىرى ھەر ساھە ۋە ھەر كەسىپنى ئوقۇغان ۋە ئىشلىگەنلەر تىل قىيىنچىلىقىنى تېزدىن يېڭىپ ھەر قايسى ساھەلەردە ئۆز ماھارىتىنى ۋە ئىقتىدارىنى كۆرسىتىشكە باشلىدى.

مۇشۇ قاتاردا، يېقىندا نورۋىگىيىگە كېلىپ تۇرۇش رۇخسىتىنى ساقلاۋاتقان ئىسمىنى ئاشكارىلاشنى خالىمىغان بىر ئۇيغۇر يىگىتى خىتاينىڭ 2008-يىللىق ئولىمپىك مۇسابىقىسى باشلىنىش ئالدىدا، ھەممىنىڭ كۆزى خىتايغا تىكىلىپ تۇرغان بىر پەيتتە، ئۆزىنىڭ پۇتبول ئويناشتىكى تالانتى بىلەن ئۆزى تۇرۇۋاتقان رايوندىكى پۇتبول كوماندىسىنىڭ ئاساسلىق ئەزاسىنىڭ بىرىگە ئايلىنىپ، ئۆز ماھارىتىنى كۆرسىتىپ، مەزكۇر كوماندا ۋە كوماندا ئەزالىرىغا ئولىمپىكتەك خەلقئارالىق مۇسابىقىگە قاتنىشىش سالاھىيىتىگە ئېرىشەلمەيدىغان لېكىن بەدەن ۋە باشقا ساپالىرى خىتاي توپچىلىرىدىن ئېشىپ چۈشىدىغان ئۇيغۇر ئىسىملىك بىر مىللەتنىڭ مەۋجۇتلىقىنى تونۇتتى. (ئايگۈل يۈسۈپ)

پىكىرلەر (0)
Share
تولۇق بەت