Gérmaniyide xitaygha qarshi keng kölemlik namayish


2008-03-24
Share

3 - Ayning 24 - küni gérmaniyining myunxén shehridiki meshhur meryem meydanida ay - yultuzluq kök bayraq yene bir qétim jewlan qildi. Qanche onlighan lozunkilar we wiwiskilar minglighan tamashibinlarning diqqitini tartti. Namayishchilarning jarangliq awazliri sheherning eng awat merkizi bolghan bu rayonni lerzige saldi.

Keng kölemlik namayish

Bu qétimqi namayishni bash shitabi gérmaniyining myunxén shehride bolghan yawrupa sherqiy türkistan birliki teshkilati orunlashturghan bolup, namayishqa yüzligen Uyghurlar qatnashqandin sirt, xelq'ara kechürüm teshkilati, xelq'ara insan heqliri teshkilati, türk teshkilatliri we bashqa kishilik hoquq teshkilatlirining rehberlirimu qatnashti. Shuning bilen birge, qazaqistan, shwétsiye we bashqa yawrupa elliridin kelgen Uyghur méhmanlarmu ishtirak qildi.

D u q ning orunlashturushigha bina'en, besh aygha qeder dawamlishidighan bu namayish we qarshiliq herikiti heqqide, yawrupa sherqiy türkistan birliki teshkilatining re'isi, d u q ning bash katipi dolqun eysa ependi chüshenche bérip ötti.

Biz Uyghurlar bilen bille

Bu qétimqi namayishqa qatnashqan, Uyghurlar mesilisini yaxshi chüshen'gen we Uyghur milliy herikitige yillardin buyan hésdashliq qilip kelgen xelq`ara insan heqliri teshkilati myunxén tarmiqining re'isi patrik ependi ziyaritimizni qobul qilip, Uyghurlar we tibetlikler mesilisi heqqidiki pikirlirini diqqitimizge sundi.

U sözide, xitay kommunistlirining sherqiy türkistan we tibette yürgüziwatqan insaniyetsiz qilmishlirini qattiq eyiblepla qalmay, xitay mustebit hakimiyitining olimpik musabiqisi ötküzüsh salahiyitige ige emeslikini tekitlidi hemde xelq`ara insan heqliri teshkilatining Uyghurlar we tibetlikler bilen birge, olimpikni bayqut qilish herikitini axirghiche dawamlashturidighanliqini eskertti.

Xitaylar chiqip ketsun!

Bu qétimqi namayishta, xitay zulmigha a'it köp sanda teshwiqat waraqchiliri tarqitildi. Namayishni etrapta topliship közitiwatqan chet`elliklerge d u q ning mu'awin re'isi esqerjan ependi gérmanche chüshenchiler bérip ötti. Namayishning meqsidi, sherqiy türkistanning 1949 - yili xitay istilasigha duch kelgendin buyanqi paji'elik teqdiri, Uyghur millitining arzu - tileklirini sherhilidi.

Namayish jeryanida „xitaylar wetinimizdin chiqip ketsun, Uyghurlargha erkinlik, Uyghurlargha démokratiye, insan heqliri bolmighan dölette olimpik ötküzüshke bolmaydu, xitaydiki ölüm jazasi emeldin qaldurulsun, siyasiy mehbuslar qoyup bérilsun, dégendek sho'arlar üzmey towlinip turdi.

Bu qétimqi namayishqa yene, d u q, yawrupa sherqiy türkistan birliki teshkilati, sherqiy türkistan informatsiyon merkizi qatarliq teshkilatlarning rehberliridin bashqa, d u q ning sabiq re'isi erkin aliptékin ependi, qazaqistan Uyghur yashliri teshkilatining re'isi abduréshit ependi, merhum yazghuchi we rehber ziya semidining oghli riza semidi ependi, shwétsiye Uyghur jem'iyiti rehberliridin yazghuchi we wetenperwer inqilabchi abduréshit haji kérimi qatarliq kishilermu qatnashti. (Ekrem)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet