' Türk dunyasi insan heqliri hemkarliq kéchisi' yighinida Uyghurlar

2009 ‏ - Yili 5 ‏ - ayning 18 ‏ - küni türk dunyasi insan heqliri jem'iyiti istanbul shöbisining uyushturushi bilen "türk dunyasi insan heqliri hemkarliq kéchisi " yighini ötküzüldi.
Muxbirimiz arslan
2009-05-20
Share
Turk-dunyasi-insan-heqliri-yighini-305 2009 ‏- Yili 5 - ayning 18 - küni türk dunyasi insan heqliri jemiyiti istanbul shöbisining uyushturushi bilen ötküzülgen "türk dunyasi insan heqliri hemkarliq kéchisi " yighinidin körünüsh.
RFA Photo / Arslan

Yighin'gha türk dunyasi insan heqliri jem'iyiti re'isi abdullah boksur, istanbul shehirining mu'awin waliysi mustafa aqtash, türk dunyasi tetqiqatchisi hesen koniy ependi, aydinglar ujaghi bashliqi proféssor doktor mustafa erkan , iraq türkmenler insan heqliri jem'iyitining bashliqi doktor nefi demirji , sherqiy türkistan dawasining bayraqdari merhum eysa yüsüp aliptékinning oghli arslan aliptékin,  sherqiy türkistan ma'arip we hemkarliq jem'iyiti we sherqiy türkistan yashlar teshkilatining wekilliri qatnashti.

Yighin'gha yene Uyghur, qazaq, azer, türk, qirim tatarliri, bolgharistan türkliri, iraq türkmenliri qatarliq milletlerdin bolup köp sanda kishi ishtirak qildi.

Yighin'gha türk dunyasi insan heqliri jem'iyitining istanbul shöbe bashliqi érol shahin'oghlu riyasetchilik qildi, yighinda türk dunyasi insan heqliri jem'iyitining re'isi shundaqla xelq'ara insan heqliri  yawro ‏ -  asiya birleshmisining re'isi abdulla boksur ependi échilish nutuqi sözlidi.

Abdullah boksur ependi sözide türk dunyasi insan heqliri jem'iyitining ghaye meqsetliri we xizmet ‏ -  pa'aliyetliri heqqide toxtilip mundaq dédi: "pütkül dunyadiki türk millitige mensup kishilerni asas qilghan halda mezlumlarning awazi bolush, insan heqliri depsendichilikige xatime bérish üchün albaniyidin  wi'éyana rayonighiche, sherqiy türkistandin seddichin sépiligiche, qirimdin qazaqistan'ghiche jümlidin dunyaning her qaysi jaylirida insan heqliri depsendichilikini hemnepes bolup bir awazda otturigha qoyushni,  bir gewdige aylinip insan heqliri üchün pa'aliyet qilish meqsitimizni emeliyleshtürüshni qarar qilduq.   Pütkül dunya jughrapiyiside türk millitige mensup xelqlerni asas qilghan halda mezlumlargha yar ‏ -  yölek bolush, insan heqlirini qoghdash bizning asasi xizmet nishanimizdur."

Yighin axirida türk dunyasi insan heqliri jem'iyiti teripidin bir qisim jem'iyet mes'ulliri we insan heqliri tetqiqatchilirigha  türk dunyasi insan heqliri depsendichilikke qarshi élip barghan xizmetlirini mukapatlap sherep taxtisi teqdim qilindi,  merhum eysa yüsüp aliptékinning oghli arslan aliptékin ependigimu sherqiy türkistan dawasi üchün we türk dunyasi xelqining kishilik hoquq depsendichilikke qarshi élip barghan xizmetlirini mukapatlap, insanperwerlik sherep taxtisi teqdim qilindi.

Biz bu yighin heqqide téximu köp melumatqa érishish üchün yighin'gha qatnashqan arslan aliptékin ependi bilen söhbet élip barduq.

Yuqiridiki awaz ulinishidin, bu heqtiki melumatimizning tepsilatini anglaysiler. 


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet