Shwétsiyidiki türkiy xelqler: biz héchqachan Uyghur türklirimizni yalghuz qoymaymiz

5 - Iyul ürümchi qanliq basturushigha bolghan ghezep nepretlirini padilesh üchün, dunyaning herqaysi jarlirida uyghur teshkilatliri we ularning qollighuchiliri namayish qilmaqta.

Shwétsiyide yashawatqan  Uyghurlar xitay hökümitining qirghinchiliqi bashlan'ghan - 5 iyuldin bashlap, namayish élip bérish, axbarat organlirigha melumat bérish, shwétsiye parlamént ezaliri we hökümet xadimlirigha xet yollash, teshwiq waraqliri  we qirghinchiliq ehwallirini plastinka qilip tarqitish qatarliq pa'aliyetlerni élip bériwatqan idi.

Bu qétimqi namayishni yötobori shehiridiki ezerbeyjan teshkilati, iran hezer - türkmen teshkilati we iraq kerkük türkmen teshkilatliri birlikte uyushturghan bolup, namayishqa shwétsiyining bashqa sheherliride yashawatqan Uyghurlarmu  kélip qatnashqan.

Namayishta sözge chiqqan iran hezer-türkmen teshkilatining re'isi mundaq dédi: " biz türk xelqi tarixta oxshimighan hakimiyetler astida zulmetlik kechürmishlerni bashtin kechürduq we qirghinchiliqqa uchriduq. Sowét hakimiyiti dewride  bu térritoriyide  yashawatqan türk xelqi milyonlap qirip tashlan'ghan bolsa, hazir xitay kommunistliri Uyghur türklirimizni qiriwatidu, biz buninggha  emdi qol qowushturup qarap turalmaymiz, yashisun Uyghur!"

Namayish jeryanida ziyaritimizni qobul qilghan "iraq türkmenliri adalet jem'iyiti" ning re'isi memet rawup ependim mundaq dédi: "biz pütün türk dunyasi yeni shiwétsiyde yashawatqan türkler shwétsiyining yötobori shehirige toplanduq. Bizning 25 milyon  Uyghur türk qérindashlirimiz  yillardin biri xitay asaritide zulum  chékiwatidu. Biz püpün türk xelqining tilimiz, dinimiz we ténimiz bir. Biz Uyghur qérindashlirimiz tartiwatqan ulumlarni qobul qilalmaymiz . Bu yerge kelgenlerning hemmisi türk qérindashlirimizdur .Ular ezerbeyjandin, türkiyidin, irandin we iraqtin kelgenlerdur. Biz hemmimiz bir meqset bilen bu yerge toplanduq, biz héchqachan Uyghur türklirimizni yalghuz qoymaymiz."
 
Bu shiwétsiyde élip bérilghan 3 qétimliq namayish bolup, namayishtin kiyin her qaysi jem'iyetlerning rehberliri bir yerge jem bolup, bundin kiyin xitaygha qarshi qandaq pa'aliyetlerni élip  bérish we shwétsiye da'iriside türk  birlikini qurup chiqish heqqide meslihette bolushti.

Yuqiridiki awaz ulinishidin, bu heqtiki melumatimizning tepsilatini anglaysiler.
 

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar