Хәлқ - ара кәчүрүм тәшкилатиниң қурултийида уйғурлар мәсилиси

2007-05-29
Елхәт
Пикир
Share
Принт

2007 - Йили 5 - айниң 26 - күни германийиниң мюнхен шәһридә башланған хәлқ-ара кәчүрүм тәшкилати германийә шөбисиниң йиллиқ қурултийи 29 - май күни ахирлашти.

Йиғинға, 300 дин артуқ мәсул хадимлар иштирак қилған

Төт күн давам қилған бу қурултайға германийиниң һәр қайси шәһәрлиридин кәлгән хәлқ`ара кәчүрүм тәшкилатиниң 200 дин артуқ тармақ органлириниң 300 дин артуқ мәсуллири иштирак қилғандин сирт, тәклипкә бинаән дуня уйғур қурултийи рәһбәрлири вә инсан һәқлири мәсилилири бойичә мутихәсисләр, алимларму иштирак қилған.

Йиғинниң 27 - май күнидики музакирисидә д у қ иҗраийә комитетиниң муавин рәиси абликим идрис әпәнди вә қурултай баш катипи, яврупа шәрқий туркистан бирлики тәшкилатиниң рәиси долқун әйса әпәндиләр нутуқ сөзләп, хитайниң инсан һәқлири дәпсәндичилики вә уйғур мәсилиси һәққидә доклат тәқдим қилған.

Долқун әйса әпәндиниң сөзи

Хәлқ`ара кәчүрүм тәшкилати хитай ишлири бөлүми йетәкчиликидә уюштурулған йиғинда дуня уйғур қурултийи баш катипи, яврупа шәрқий түркистан бирлики тәшкилатиниң рәиси долқун әйса әпәнди сөз елип, вәтинимиздики хитай зулуми һәққидә тәпсили мәлумат бәргән.

Долқун әйса әпәнди өз сөзидә: хитай һөкүмитиниң пиланлиқ туғут сиясити ниқавида елип бериватқан қирғинчилиқлири, миллий мәдәнийитимиз вә ән әнилиримизни йоқутуп, уйғур миллитини милләт сүпитидә йоқутуш мәқсидидә елип бериватқан ассимилатсийә сиясити, пикир әркинлики, мәтбуат әркинлики, йиғилиш әркинликлириниң күнсери боғуливатқанлиқи, уйғур қизлирини ичкири хитайға мәҗбури йөткәш мәсилиси, сиясий мәһбусларға өлүм җазаси бериш мәсилиси вә һәқсиз тутқун қилиш мәсилилири һәққидә әтраплиқ мәлуматлар бәргән.

Долқун әйса әпәнди өз сөзидә хитай зулумиға аит материялларни, пакитларни қолға чүшүрүш вә чәт`әлгә елип чиқишниң күнсери тәслишиватқанлиқи сәвәплик, хәлқ`ара кәчүрүм тәшкилатини йетәрлик дәриҗидә ахбарат билән тәминләп бирәлмигәнликини қистуруп өткән.

У йәнә мәркизий асиядики уйғурлар мәсилилири, башқа әлләрдики уйғурлар мәсилиси вә дуня уйғур қурултийи һәққидиму чүшәнчә берип өткән. Униң сөзидин кейин, шәрқий түркистан вә уйғурлар мәсилиси һәққидә кәң даиридә соал сораш ишлири башланған.

Хәлқ`ара кәчүрүм тәшкилати рәһбәрлири дуня уйғур қурултийи мәсуллириниң җаваплиридин техиму көп учурларға игә болғанлиқини, дуня уйғур қурултийи билән йеқиндин һәмкарлишип уйғурларниң һәқ - һоқуқи үчүн ортақ күрәш қилишни халайдиғанлиқини билдүрүп өткән.(Әкрәм)

Пикирләр (0)
Share
Толуқ бәт