Norwigiyining bérgén shehiridiki kutupxanigha Uyghurche kitablar qoyuldi

• Muxbirimiz yalqunning bu heqtiki melumati
• Download story audio

Kutupxanidin körünüsh. RFA < < Chongaytip Körüng

Uyghur kishilik hoquq we démokratiye herikitining rehbiri rabiye qadir xanimning yawropa ziyariti yawropa döletliride Uyghurlarning tesirini zoraytti we shuning netijiside rabiye qadir xanimgha baghlan'ghan teklip layihiler we ri'alliqlar barliqqa keldi.

Rabiye qadirning yawropa ziyaritining 4 – békiti bolghan norwigiye ziyaritidin kéyin, norwigiyinin'gh ikkinchi chong shehiri bolghan bérgén shehiri kutupxanisi 18-öktebirdin bashlap oqurmenlerning oqushi we ariyet élishi üchün deslepki qedemde bir türküm Uyghurche kitablarni kutupxanigha qoydi.

Bérgén shehiridiki bu kütüpxana 1917-yili qurulghan bolup, norwigiyidiki uzun tarixqa ige kütüpxanilarning biri. Ular bu qétim qoygha kitablarning ichide "Uyghurlar qarixanilar", "ana yurt", "honlarning qisqiche tarixi" qatarliq Uyghur tarixi eks ettürülgen kitablardin bashqa yene "gülistan" qatarliq edebiy kitablarmu qoyulghan.

Bérgen shehiri norwigiyining eng qedimqi sheherliridin biri bolup, rabiye qadir xanim mushu sheherde rafto fondi jem'iyitining kishilik hoquq mukapatigha érishken idi.

Bu kitabxanini öz közi bilen körgen abdukérimrim ependi bu heqte ixtiyari muxbirimiz yalqunning ziyaritini qobul qilip, u kutupxanida körgenlirini sözlep berdi.