'Уйғурчә оқушлуқ' истанбулда нәшир қилинди

Истанбул шәһиридики тәклимакан уйғур нәшрияти тәрипидин 2010 ‏- йили, 6 ‏- айда "уйғурчә оқушлуқ" дегән китаб нәшир қилинди. Бу китабни тәклимакан уйғур нәшриятиниң мәсули абдуҗелил туран әпәнди түзүп нәширгә тәйярлиған.
Мухбиримиз арислан
2010.06.23
Share on WhatsApp
Share on WhatsApp
uyghurche-oqushluq-Istanbul-neshiri-305 Сүрәт, истанбул шәһиридики тәклимакан уйғур нәшрийати тәрипидин 2010 ‏- йили, 6 ‏- айда нәшир қилинған "уйғурчә оқушлуқ" дегән китабниң муқава көрүнүши.
RFA Photo / Arslan

Бу китаб уйғур тил ‏- әдәбияти, уйғурларниң тарихиға алақидар қисқичә мәзмунлар, һекайә ‏-‏ чөчәк, мақал ‏- тәмсил вә ләтипиләр һәмдә һазирқи заман уйғур тил қаидисигә алақидар мәзмунлар киргүзүлгән.

Китабқа йәнә һунлар, көктүрк ханлиқи, орхун уйғур ханлиқи, қараханийлар ханлиқи, сәидийә ханлиқи қатарлиқ ханданлиқларниң қисқичә тарихи вә сутуқ буғрахан, фараби, йүсүп хас һаҗип, мәһмут қәшқири, султан сәид хан, абдурешит хан, майсихан, нозугум қатарлиқ уйғур қәһриманлири вә алимлириниң қисқичә тәрҗимһаллири киргүзүлгән.

Бу китаб йәнә, "вәтәнпәрвәрлик" дегән темидики бир парчә мақалини өз ичигә алған.

Китабниң баш муқависиға сутуқ буғрахан, мәһмут қәшқири, йүсүп хас һаҗип, султан абдуришитхан, фараби вә нозугумниң рәсимлири қоюлған, муқавиниң арқа бетигә уйғур дияриниң хәритиси берилгән. Бу китабниң мәзмуни ихчам вә чүшинишлик болуп, рәңлик шәкилдә нәшир қилинған.

Биз бу китаб һәққидә бу китабни нәшир қилған тәклимакан уйғур нәшриятиниң мәсули абдуҗелил туран әпәнди билән сөһбәт елип бардуқ.

Юқиридики аваз улинишидин, бу һәқтики сөһбитимизниң тәпсилатини аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.