'Uyghurche oqushluq' istanbulda neshir qilindi

Istanbul shehiridiki teklimakan Uyghur neshriyati teripidin 2010 ‏- yili, 6 ‏- ayda "Uyghurche oqushluq" dégen kitab neshir qilindi. Bu kitabni teklimakan Uyghur neshriyatining mes'uli abdujélil turan ependi tüzüp neshirge teyyarlighan.
Muxbirimiz arislan
2010.06.23
Share on WhatsApp
Share on WhatsApp
uyghurche-oqushluq-Istanbul-neshiri-305 Süret, istanbul shehiridiki teklimakan uyghur neshriyati teripidin 2010 ‏- yili, 6 ‏- ayda neshir qilinghan "uyghurche oqushluq" dégen kitabning muqawa körünüshi.
RFA Photo / Arslan

Bu kitab Uyghur til ‏- edebiyati, Uyghurlarning tarixigha alaqidar qisqiche mezmunlar, hékaye ‏-‏ chöchek, maqal ‏- temsil we letipiler hemde hazirqi zaman Uyghur til qa'idisige alaqidar mezmunlar kirgüzülgen.

Kitabqa yene hunlar, köktürk xanliqi, orxun Uyghur xanliqi, qaraxaniylar xanliqi, se'idiye xanliqi qatarliq xandanliqlarning qisqiche tarixi we sutuq bughraxan, farabi, yüsüp xas hajip, mehmut qeshqiri, sultan se'id xan, abduréshit xan, maysixan, nozugum qatarliq Uyghur qehrimanliri we alimlirining qisqiche terjimhalliri kirgüzülgen.

Bu kitab yene, "wetenperwerlik" dégen témidiki bir parche maqalini öz ichige alghan.

Kitabning bash muqawisigha sutuq bughraxan, mehmut qeshqiri, yüsüp xas hajip, sultan abdurishitxan, farabi we nozugumning resimliri qoyulghan, muqawining arqa bétige Uyghur diyarining xeritisi bérilgen. Bu kitabning mezmuni ixcham we chüshinishlik bolup, renglik shekilde neshir qilin'ghan.

Biz bu kitab heqqide bu kitabni neshir qilghan teklimakan Uyghur neshriyatining mes'uli abdujélil turan ependi bilen söhbet élip barduq.

Yuqiridiki awaz ulinishidin, bu heqtiki söhbitimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.