Уйғурларниң дости, түркийә сабиқ баш министири Bülent Ecevit вапат болди


2006.11.08
Bulent-Ejevit.jpg
Түркийә баш министири Bülent Ecevit 2002 – йили 16 – април күни түркийидә зиярәттә боливатқан хитай баш министири җу роңҗи билән. Bülent Ecevit Әйни вақиттики мухбирлани күтүвелиш йиғинида түркләрниң уйғурлар билән тили бир, дини бир туғқан икәнликини, уларға яхши муамилә қилинса түркийә билән хитай оттурисидики мунасивәтниң яхшилинидиғанлиқини ейтқан иди. AFP

81 Йиллиқ һаятиниң 45 йилини түрк сияситигә атиған, пешқәдәм сиясәтчи, түркийиниң сабиқ баш министири Bülent Ecevit‏ 11-айниң 5-күни аләмдин өтти. У ташқи дуняда сол көз қарашқа игә милләтчи дәп тонулатти. Bülent Ecevit‏ 1925-Йили 5-айниң 28-күни истанбулда дуняға кәлгән болуп, башланғуч вә оттура мәктәпни әнқәрәдә, толуқ оттура мәктәпни истанбулдики америка мәктипидә оқуған. 1957-Йили яш турупла парламент әзаси болуп сайланған. 1972-Йили түркийиниң әң чоң партийилиридин бири болған җумһурийәт хәлқ партийисиниң баш секретари болуп сайланған. Униң сияси һаятидики әң муһим қарарлардин бири 1974-йили түркийиниң баш министири болған вақтида сиперуста түркләрниң зулум көрүватқанлики сәвәби билән сиперусқа әскири һәрикәт башлаш буйруқини бериш болди. Bülent Ecevit‏ 2000-Йилидики омуми сайламда 3 партийә ортақ қурған һөкүмәттә 2-қетим баш министир болған. У, 2002-йили хитай баш министири зһу руңҗиниң түркийигә әлип барған зияритидә ики тәрәпниң мухбирларни күтүвелиш йиғини җәрянида түркләрниң уйғурлар билән тили бир, дини бир туғқан икәнликини, уларға яхши муамилә қилинса түркийә билән хитай оттурисидики мунасивәтниң яхшилинидиғанлиқини ейтқан иди. У бу сози билән уйғур хәлқиниң қәлбидиму тәхт қурған иди. 2006-Йили 5-айниң 18-күни меңисигә қан чүшүш сәвәби билән дохтурханида давалиниватқан Bülent Ecevit ниң қутқузуш үнүм бәрмәй вапат болуши түрк хәлқини қайғуға чөмдүргәнгә охшашла уйғур хәлқиниму қаттиқ охшашла қайғуға чөмдүрди. Bülent Ecevit Уйғур мәсилисигә қандақ қарайтти? сияси һаятида уйғур мәсилиси үчүн қандақ рол ойниған, нимиләрни дегән, бу һәқтә көз қаришини елиш үчүн шәрқий түркистан аммиви тәшкилатлири вә уйғур мутәхәссисләр билән зиярәт елип бардуқ.

Түркийә хитай мунасивәтлири мутәхәссиси, һаҗәттәпә университети оқутқучиси доктор әркин әкрәм әпәнди, шәрқий түркистан мәдәнийәт вә һәмкарлиқ җәмийити башлиқи сейит тумтүрк әпәнди вә шәрқий түркистан вәхпи башлиқи һамут гоктүрк әпәнди Bülent Ecevit зияритимизни қобул қилип, Bülent Ecevit һәққидә тохталди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.