Uyghurlarning dosti, türkiye sabiq bash ministiri Bülent Ecevit wapat boldi


2006-11-08
Share
Türkiye bash ministiri Bülent Ecevit 2002 – yili 16 – april küni türkiyide ziyarette boliwatqan xitay bash ministiri ju rongji bilen. Bülent Ecevit Eyni waqittiki muxbirlani kütüwélish yighinida türklerning Uyghurlar bilen tili bir, dini bir tughqan ikenlikini, ulargha yaxshi mu'amile qilinsa türkiye bilen xitay otturisidiki munasiwetning yaxshilinidighanliqini éytqan idi. AFP

81 Yilliq hayatining 45 yilini türk siyasitige atighan, péshqedem siyasetchi, türkiyining sabiq bash ministiri Bülent Ecevit‏ 11-ayning 5-küni alemdin ötti. U tashqi dunyada sol köz qarashqa ige milletchi dep tonulatti. Bülent Ecevit‏ 1925-Yili 5-ayning 28-küni istanbulda dunyagha kelgen bolup, bashlan'ghuch we ottura mektepni enqerede, toluq ottura mektepni istanbuldiki amérika mektipide oqughan. 1957-Yili yash turupla parlamént ezasi bolup saylan'ghan. 1972-Yili türkiyining eng chong partiyiliridin biri bolghan jumhuriyet xelq partiyisining bash sékrétari bolup saylan'ghan. Uning siyasi hayatidiki eng muhim qararlardin biri 1974-yili türkiyining bash ministiri bolghan waqtida sipérusta türklerning zulum körüwatqanliki sewebi bilen sipérusqa eskiri heriket bashlash buyruqini bérish boldi. Bülent Ecevit‏ 2000-Yilidiki omumi saylamda 3 partiye ortaq qurghan hökümette 2-qétim bash ministir bolghan. U, 2002-yili xitay bash ministiri zhu rungjining türkiyige elip barghan ziyaritide iki terepning muxbirlarni kütüwélish yighini jeryanida türklerning Uyghurlar bilen tili bir, dini bir tughqan ikenlikini, ulargha yaxshi mu'amile qilinsa türkiye bilen xitay otturisidiki munasiwetning yaxshilinidighanliqini éytqan idi. U bu sozi bilen Uyghur xelqining qelbidimu text qurghan idi. 2006-Yili 5-ayning 18-küni méngisige qan chüshüsh sewebi bilen doxturxanida dawaliniwatqan Bülent Ecevit ning qutquzush ünüm bermey wapat bolushi türk xelqini qayghugha chömdürgen'ge oxshashla Uyghur xelqinimu qattiq oxshashla qayghugha chömdürdi. Bülent Ecevit Uyghur mesilisige qandaq qaraytti? siyasi hayatida Uyghur mesilisi üchün qandaq rol oynighan, nimilerni dégen, bu heqte köz qarishini élish üchün sherqiy türkistan ammiwi teshkilatliri we Uyghur mutexessisler bilen ziyaret élip barduq.

Türkiye xitay munasiwetliri mutexessisi, hajettepe uniwérsitéti oqutquchisi doktor erkin ekrem ependi, sherqiy türkistan medeniyet we hemkarliq jem'iyiti bashliqi séyit tumtürk ependi we sherqiy türkistan wexpi bashliqi hamut goktürk ependi Bülent Ecevit ziyaritimizni qobul qilip, Bülent Ecevit heqqide toxtaldi.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet