D u q wang léchüenning rabiye xanimgha töhmet chaplishigha qattiq naraziliq bildürdi


2005.08.26
Share on WhatsApp
Share on WhatsApp
erkin-aliptekin-150.jpg
D u q re'isi erkin aliptékin (arxip resim)

8 - Ayning 25- küni, Uyghur aptonom rayoni qurulghanliqining 50 yilliqi munasiwiti bilen ötküzülgen axbarat élan qilish yighinida, xitay kompartiyisi merkiziy komitéti siyasiy byurosining da'imiy ezasi, Uyghur aptonom rayonining partkom sékritari wang léchüen, ataqliq Uyghur pa'aliyetchsi rabiye qadirni chet'elde térroluq teshkilatlargha arilashqan we térrorluq pa'aliyet uyushturmaqchi bolghan dep eyiblidi.

Wang léchü'en yene muxbirlargha "rabiye qadir amérikigha barghandin kéyin, '3 xil küchler' ning rehberliri hemde gholluq térrorchilar bilen körüshüp mexpiy pilanlarni tüzgen hemde gérmaniyide échilghan dunya Uyghur qurultiyining 2 - qétimliq yighini waqtida, Uyghur aptonom rayoni qurulghanliqining 50 yilliqi mezgilide térrorluq pa'aliyetlerni qandaq élip bérish heqqide kéchiche meslihetleshken" dégen.

Bu munasiwet bilen, dunya Uyghur qurultiyining re'isi erkin aliptikin ependi, wang léchüenning Uyghurlarning dahisi, rehbiri we qehriman anisi rabiye qadir xanimni töhmet qilish arqiliq Uyghurlarning chet'ellerde tinch yollar arqiliq élip bériwatqan démokratik heriketlirini haqaretligenlikige qattiq naraziliq bildürdi.

Dunya Uyghur qurultiyining bash katipi dolqun eysa we dunya Uyghur qurultiyining bayanatchisi dilshat rishit ependimu wang léchüenning rabiye qadir xanimgha bohtan chaplishini eyiblidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet