Ваң лечүән уйғур елиниң һакимийәт бешида давамлиқ олтурмақчи


2006.10.25
wanlequan.jpg
Уйғур аптоном райониниң партком секритари ваң лечуән 2003-йили 11-сентәбирдә үрүмчидә ечилған йиғинда . AFP

Хитай мәтбуатлири 25 - өктәбир күни, бу йил 62 яшқа киргән ваң лечүәнниң йәнә қайта уйғур аптонум районлуқ партком баш секретарлиқини қолға алғанлиқини рәсмий елан қилди. Ваң лечүән 1995 - йилидин буян мушу вәзипидә олтуруп кәлмәктә. Униң алдида йәни 1991 - йилидин 1995 - йилиғичә партком муавин секретарлиқ вәзиписини өтигән. 2002 - Йили у хитай коммунист партийиси мәркизи комитети тәрипидин сиясий бюросиға аза қилип өстүрүлгән.

Хитай коммунист һөкүмити ваң лечүән уйғур елиниң баш секретарлиқ вәзиписигә қойғандин буян, ваң лечүән "үч хил күч" кгә қаттиқ зәрбә бериш сиясити астида уйғурларға қарита бастуруш сияситини күчәйтип елип бармақта. Униң бу хил сиясити уйғурларда "қирғинчилиқ" сиясити дәп тәнқидкә учрап кәлди.

Униң 2000 - йилидин башлап уйғур маарипида елип барған "қош тиллиқ маарип" ниқабидики маарипни хитайчилаштуруш сиясити болса "уйғурлар вә башқа аз санлиқ милләтләргә қаратқан учуқ ашкара ассимилятсийә " сиясити дегәндәк наразилиқларни мәйданға кәлтүрмәктә. Шуниңдәк, ваңниң уйғур елида давамлиқ һакимийәт йүргүзүши уйғур паалийәтчилири тәрипидин уйғурларниң күлпәтлик күнлириниң давамлишиши дәп қаралмақта.

Бу һәқтә дуняниң һәр қайси җайлиридики уйғур тәшкилатлириға вакалитән дуня уйғур қурултийиниң муавин рәиси муһәммәт тохти әпәнди зияритимизни қобул қилип көз қарашлирини оттуриға қойди. (Гүлчеһрә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.