Chet'eldiki Uyghurlar wang léchu'en, ismayil téliwaldilarning xunende qilghan sözlirini ret qildi


2006.12.04

'Tengritagh tor béti' de ashkarilap qoyushiche, Uyghur aptonom rayonining emeldarliridin wang léchu'en, ismayil téliwaldi, xu wéy qatarliq kishiler xunen'ge bérip, 12 ‏- ayning 1 ‏- küni mawzédungning mis heykilige gülchembirek qoyup, ular 're'is mawzédung shinjangning tereqqiyatigha nahayiti köngül böletti, hazir shinjang tereqqi qildi, shinjang xelqi mawzédungning mihri-shepqitini hergiz untulmaydu' dep medhiye oqup tawap qilghan. Ular xunenni ziyaret qilish jeryanida 'lyuyang üsümlük -dora zawutining héchnéme ünmeydighan jayda dora zawuti qurush tejiribisi bar, shinjangda buning xam'eshyaliri intayin köp' déyish arqiliq xunenni her jehettin Uyghur aptonom rayonigha jelip qilishqa tirishqan.

Orgini gérmaniyide turushluq dunya Uyghur qurultéyining mu'awin re'isi mehemmet toxti ependi bu heqte obzor élan qildi. Uning qarishiche, sherqiy türkistan xelqi mawzédungni wang léchu'en, ismayil téliwaldilar dégendek emes belki eng zülmetlik kün'ge qoyghan shexs bolghanliqi üchün untulmasliqi mumkin.

Dunya Uyghur qurultéyining mu'awin re'isi mehemmet toxti ependi wang léchu'en, ismayil téliwaldilarning gerche shinjang bilen xunenning ariliqi yéraq, minglighan derya we taghlar ayrip tursimu, emma bu ikki ölkining xelqining qelbi bir-birige ching chétilghanliqtin, yillardin buyan medeniyet, ma'arip we bashqa sahelerdiki hemkarliq kündin-kün'ge tereqqi qiliwatidu, dégen medhiyilirigimu reddiye berdi.

Mehemmet toxti ependi wang léchu'en, ismayil téliwaldilarning mawzédunggha tawap qilish üchün qilghan xunen sepiride, wang jénning yurti bolghan xunendiki lyu yang üsümlük-dora zawuti qatarliq karxanilarni Uyghur rayonining xam eshya menbelirige jelip qilghanliqinimu mulahize qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.