Хиянәтчи коммунист әмәлдарлар хәлқниң миллий өрп-адәтлиридин пайдилинип пул топлимаслиқи лазим


2007-01-29
Share

1 ‏- Айниң 8 ‏- күни хитайда чиқидиған "малийә гезити"дә хитайдики әң дөләт игиликидики ширкәтләрниң бири болған "лунең" ширкитиниң 70 милярд юән мәблиғи аллиқачан шәхсийләрниң һесабиға өтүп кәткәнликидин ибарәт бир чоң чириклик делоси паш қилинип, бу делониң ваң лечуәнгиму четилидиғанлиқи баян қилинған иди. Шуниңдин кейин, "шинхуа агентлиқи" қатарлиқ мәркизи һөкүмәтниң учур вастилири рәһбири кадирлардики чириклишишни тәнқит қилидиған мақалиләрни елан қилишқа башлиған иди. Әмма ваң лечуән, шинҗаң хәвәр торида ашкарилинишичә, 1 ‏- айниң 25 ‏- күни, уйғур аптоном районлуқ парткомниң 2 ‏- омумий йиғинида сөз қилип, кадирларға наһайити җиддий тәләппуз билән "чуқум той-түкүн, өлүм-йетим мурасимлирини дағдуға қилип чоң өткүзидиған хаһишини тохтитиш керәк, болупму рәһбири кадирлар бундақ хаталиқ билән йеқилиштин сақлиниши лазим" дәп җиддий буйруқ чүшүргән. Ваң лечуән сөзидә һазир той-түкүн, өлүм-йетим мурасимлириниң барғансири чоң вә давираң селип елип берилишқа йүзләнгәнлики вә бундақ мурасимларниң пул топлайдиған һәрикәткә айлинип қалғанлиқини тәсвирлигәндин кейин, "буниңдин кейин той-түкүн, өлүм-йетим мурасимлирини дағдуға қилип чоң өткүзидиған яман адәт өзгәртилиши, аддийлаштурулуши керәк, униңға қатнидишидиған адәм пәқәт уруқ-туғқан даирисидин һалқип кәтмәслики, дағдуға қилинмаслиқи лазим" дәп тәкитлигән.

Ваң лечуән хиянәтчи әмәлдарларниң яман адити билән хәлқниң миллий өрп-адәтлирини пәрқләндүрмигән

Дуня уйғур қурултейиниң баш катиби долқун әйса әпәнидиниң қаришичә, ваң лечуән қилған сөзидә хиянәтчи коммунист әмәлдарлириниң һәрхил мурасимлардин пайдилинип пул топлайдиған яман адити билән хәлқ аммисиниң әнәнивий миллий өрп-адәтлирини ениқ пәрқләндүрмигән. Униң қаришичә, хиянәтчиләрниң һәрикитини чәкләшни баһанә қилип, хәлқниң тарихтин буян давамлишип келиватқан миллий өрп-адәтлирини чәкләшкә урунуш қанунсизлиқ.

Ваң лечуәнниң буйруқидин кейин хитайниң алаһидә сақчи қисимлири кочиларға чиқип ашкара һалда уйғурларни тосуп, ахтуруп һәйвә көрситишкә башлиған

Ваң лечуән "той-түкүн, өлүм-йетим мурасимлирини дағдуға қилип чоң өткүзидиған яман адәтни тосуш лазим" дәп буйруқ чүшүргәндин кейин, радиомизға телефон қилған бир уйғурниң баян қилишичә, хитай һөкүмитиниң алаһидә сақчи қисимлири кочиларға чиқип ашкара һалда уйғурларни тосуп, ахтуруп җәмийәткә қарита һәйвә көрситишкә башлиған. (Вәли)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт