Washin'gtondiki Uyghurlar aqsaray aldida namayish qildi

5 ‏- Iyul ürümchi weqesidin kéyin, xitay hökümiti bilen muhajirettiki Uyghur teshkilatliri arisida teshwiqat kürishi keskinleshmekte.
Muxbirimiz shohret hoshur
2009-07-28
Share
DC-Aq-Oy-namayish-072809-1-305.jpg Süret, 2009 - yili 28 - iyul, amérika uyghur birleshmisi aqsaray aldida, obama hökümitini uyghur mesilisige arilishishqa we xitayning saxta teshwiqatigha ishenmeslikke chaqirip élip barghan namayiishtin bir körünüsh bolup, bu qétimqi namayish washingtonda amérika ‏ - xitay dialogi wekillirining söhbiti ötküzülüwatqan bir mezgilge toghra keldi.
RFA Photo / Shohret Hoshur

Xitay da'iriliri weqening bir topilang ikenlikini ispatlashqa we weqege qatnashquchilarni qattiq jazalashning xelq'ara jama'et pikrini hazirlashqa tirishsa, Uyghur teshkilatliri mezkur weqening xitaydiki 60 yilliq milliy siyasetning paji'esi ikenlikini, weqege qatnashquchilarning gunahsiz ikenlikini ispatlashqa tirishmaqta.

Bügün amérika Uyghur birleshmisi aqsaray aldida namayish ötküzüp, aqsarayni Uyghur mesilisige arilishishqa we xitayning saxta teshwiqatigha ishenmeslikke chaqirdi. Bu qétimqi namayish washin'gtonda amérika ‏ - xitay di'alogi wekillirining söhbiti ötküzülüwatqan bir mezgilge toghra keldi .

Dunya Uyghur qurultiyining mu'awin re'isi ömer qanat yighinda söz qilip, Uyghurlar dawasining heqiqet dawasi ikenlikini, Uyghur dawasining axirida utup chiqishining peqetla bir waqit mesilisi ikenliki'ini eskertip ötti.

Bügünki namayishqa, washin'gton we washin'gton etrapida yashawatqan Uyghurlar bolup 100 ge yéqin kishi qatnashti.

Bügünki namayishqa qatnashqan Uyghur ziyaliyliridin ablimit tilek ependi, ürümchi weqesining xaraktéri üstide toxtilip ötti. Namayishta yene, 1985 - yildiki 12 - dikabir oqughuchilar namayishining yétekchiliridin nurmemet musabay ependimu bar bolup, u bu qétimqi weqening ötken qétimqi weqelerdin perqi heqqide toxtaldi. Shundaqla, washin'gtonda yashawatqan adwokat nuri türkel ependi, 5 ‏ - iyul ürümchi weqesidiki teshwiqat kürishide xitay terepning ajiz halette ikenlikini bildürüp ötti.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet