Уйғур аптоном райониниң вәкиллири қазақистанда


2005.11.02
Share on WhatsApp
Share on WhatsApp

Ихтияри мухбиримиз абдулланиң шуниңдәк йәнә мунасивәтлик уйғур зиялилириниң алматадин учур беришичә, уйғур аптоном райониниң ‎муавин рәиси җаппар һәбибулла башчилиқидики бир вәкилләр өмики ‎қазақистан җумһурийәтлик уйғур мәдәнийәт мәркизиниң тәклипи бойичә ‎қазақистанниң һәр қайси җайлиридики уйғур җамаити арисида бир ‎һәптилик зиярәт вә учришиш паалийәтлири елип барған.‎

Хәвәрләргә қариғанда, бу учришишларда хитайниң қазақистандики әлчиханиси муһим рол ойниған болуп, җумһурийәтлик мәдәнийәт ‎мәркизиниң мәсуллиридин әхмәтҗан шардиноп, дилмурат қузийев ‎қатарлиқлар саһипханлиқ қилған. Бу өмәк 2-ноябир күни шәрқшунаслиқ ‎иниститутиниң қармиғидики ғоҗа әхмәт саддвақосоп намидики ‎уйғуршунаслиқ мәркизидә һәр саһәниң уйғур алимлири билән учришиш ‎өткүзгән.‎

‎ Мәзкур мәркәзниң илмий хадими, тилшунас дилнур қасимова ханим ‎уйғурстан хәлқ партийисиниң мәсули қәһриман ғоҗәмбәрди әпәндиләр ‎мухбиримиз үмидварниң зияритини қобул қилип, уларниң зиярити ‎һәққидә өз көз қарашлирини оттуриға қойди.‎

Қәһриман әпәнди бу зиярәтниң түп маһийити һәққидә тохтилип, ‎қазақистан уйғурлириниң уйғур ели билән алақә қилишиниң әслидә ‎яхши иш болсиму, әмәлийәттә йеқиндин буян елип бериливатқан зиярәт ‎паалийәтлириниң хитайниң 1996-йили бекиткән 7-номурлуқ һөҗҗити билән ‎мунасивәтлик сиясий оюн икәнликини көрситип, бир қисим уйғур ‎рәһбәрлириниң сиясий хаталиқ өткүзиватқанлиқини тәкитлиди.‎

Хәвәрләргә қариғанда хитай һөкүмити оттура асиядики уйғурларни хитай муһаҗирлири катигорийисигә киргүзүп, уларниму җуңхуа милләтлириниң ‎бир қисими дәп һесасблимақта, қәһриман әпәнди хитайниң бу нәзәрийисигә ‎қәтий қошулмайдиғанлиқини билдүрди. (Үмидвар)‎

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.