Uyghur aptonom rayonining wekilliri qazaqistanda


2005-11-02
Share

Ixtiyari muxbirimiz abdullaning shuningdek yene munasiwetlik Uyghur ziyalilirining almatadin uchur bérishiche, Uyghur aptonom rayonining ‎mu'awin re'isi jappar hebibulla bashchiliqidiki bir wekiller ömiki ‎qazaqistan jumhuriyetlik Uyghur medeniyet merkizining teklipi boyiche ‎qazaqistanning her qaysi jayliridiki Uyghur jama'iti arisida bir ‎heptilik ziyaret we uchrishish pa'aliyetliri élip barghan.‎

Xewerlerge qarighanda, bu uchrishishlarda xitayning qazaqistandiki elchixanisi muhim rol oynighan bolup, jumhuriyetlik medeniyet ‎merkizining mesulliridin exmetjan shardinop, dilmurat quziyéw ‎qatarliqlar sahipxanliq qilghan. Bu ömek 2-noyabir küni sherqshunasliq ‎inistitutining qarmighidiki ghoja exmet saddwaqosop namidiki ‎Uyghurshunasliq merkizide her sahening Uyghur alimliri bilen uchrishish ‎ötküzgen.‎

‎ Mezkur merkezning ilmiy xadimi, tilshunas dilnur qasimowa xanim ‎Uyghurstan xelq partiyisining mesuli qehriman ghojemberdi ependiler ‎muxbirimiz ümidwarning ziyaritini qobul qilip, ularning ziyariti ‎heqqide öz köz qarashlirini otturigha qoydi.‎

Qehriman ependi bu ziyaretning tüp mahiyiti heqqide toxtilip, ‎qazaqistan Uyghurlirining Uyghur éli bilen alaqe qilishining eslide ‎yaxshi ish bolsimu, emeliyette yéqindin buyan élip bériliwatqan ziyaret ‎pa'aliyetlirining xitayning 1996-yili békitken 7-nomurluq höjjiti bilen ‎munasiwetlik siyasiy oyun ikenlikini körsitip, bir qisim Uyghur ‎rehberlirining siyasiy xataliq ötküziwatqanliqini tekitlidi.‎

Xewerlerge qarighanda xitay hökümiti ottura asiyadiki Uyghurlarni xitay muhajirliri katigoriyisige kirgüzüp, ularnimu jungxu'a milletlirining ‎bir qisimi dep hésasblimaqta, qehriman ependi xitayning bu nezeriyisige ‎qet'iy qoshulmaydighanliqini bildürdi. (Ümidwar)‎

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet