Qazaqistan Uyghurlirining xitay wekiller ömikining qazaqistan ziyaritige inkasi

• Muxbirimiz qanatning bu heqtiki melumati
• Download story audio

Qazaqistan jumhuriyetlik medeniyet merkizining orunlashturushi bilen, yéqinda qazaqistanda bir heptilik ziyarette bolghan Uyghur aptonom rayonluq hökümetning mu'awin re'isi jappar hebibulla riyasetchilikidiki xitay wekiller ömiki qazaqistandiki sepiri jeryanida Uyghurlar zich olturaqlashqan rayonlarni ziyaret qilip, jem'iyetning her qaysi qatlamliridiki Uyghurlar bilen uchrashqan.

Bu uchrishishlar jeryanida, xitay wekiller ömikige, xitay hökümitining Uyghur aptonom rayonida élip bériwatqan siyasitini maxtap, medhiylishige yaxshi imkaniyet yaritip bérilgen.

Qazaqistandiki Uyghurlar jumhuriyetlik Uyghur medeniyet merkizining xitay wekiller ömikige, xitayning Uyghurlargha qaratqan siyasiti toghrisida teshwiqat élip bérishigha imkaniyet yaritip bergenliki, ularning qazaqistandiki Uyghurlar ichige singip kirishige purset yaritip bergenliki we uchrishishlargha qatnashqan Uyghurlarning xitay wekiller ömikidin xitayning Uyghur aptonom rayonida élip bériwatqan siyasiti heqqide su'al sorishigha ruxset bérilmigenlikige naraziliq bildürüshti.

Bu heqtiki melumatlarni, muxbirimiz ömer qanatning mexsus programmisidin anglang.