Xitay bash ministiri wén jyabaw resmiy ziyaret üchün türkiyige kelmekchi

Türkiye bash ministirliqidin igiligen melumatlargha asaslan'ghanda, türkiye bash ministiri rejep tayyip erdoghan xitay bash ministiri wen jyabawni 10 - ayning 8 - küni enqerede resmiy murasim bilen kütüwalidiken.
Muxbirimiz erkin tarim
2010-10-05
Share
Dr-Erkin-ekrem-we-Dr-Sinan-ogan-305 Sürette, türkiye istratégiye tetqiqat merkizi mudiri dr. Sinan ogan we türkiye istratégiyilik chüshenche instituti mutexessisi dr. Erkin ekrem ependiler.
RFA Photo / Erkin Tarim

Kéyin ikki dölet hey'etliri otturisida muzakire élip bérilidiken, axirida türkiye bash ministiri rejep tayyip erdoghan bilen xitay bash ministiri wén jyabaw birlikte muxbirlarni kütüwélish yighini ötküzidiken.

Yene bashqa ishenchilik menbelerdin igiligen melumatlargha qarighanda, bu qétimqi uchrishishta türkiye bilen xitay otturisidiki soda munasiwetliridin bashqa yene türkiye bilen xitayning afghanistan, yawro - asiya we ottura sherqtiki mesililerni hel qilishtiki hemkarliqliri toghrisidimu muzakire élip bérilidiken.

2009 - Yili, 6 - ayning axirida türkiye re'is jumhuri abdullah gül xitaygha resmiy ziyaret élip barghanda, ürümchigimu barghan idi. Bu ziyarettin bir hepte kéyin 5 - iyul ürümchi weqesi yüz berdi.
 
Ürümchi weqesidin kéyin türkiye bash ministiri rejep tayyip erdoghan xitayni ürümchide "irqiy qirghinchiliq élip bardi" dep eyibligen, shuning bilen ikki dölet munasiwetliride jiddiylishish peyda bolghan idi. Kéyin uzun ötmey, türkiye maliye ministiri memet shimshek bilen tijaret ministiri zafer chaghlayan xitayni ziyaret qilghan , arqidin xitay tashqi ishlar ministiri yang jiyéchi bilen tijaret ministiri chén déming türkiyini ziyaret qilghan idi. Bu uchrishishlarda soda toxtamnamilirige qol qoyulup, ikki dölet otturisidiki munasiwetni kücheytish heqqide wediler bérilgen idi.

5 - Iyul ürümchi weqesidin kéyin xitay hökümiti türkiye bilen bolghan munasiwitini tereqqi qildurush üchün alahide ehmiyet bergen bolup, türkiye bilen xitay otturisidiki tijariy tengpungsizliqta yaxshilinish peyda bolghan. Türkiye soda we sana'et ministirlikining bayanatigha asaslan'ghanda türkiyining xitaygha qilghan éksporti ötken yildikige qarighanda 9% köpeygen.
     
Abu uchrishishlar netijiside türkiye - xitay munasiwitide néme özgirishler boldi? 5 - iyul ürümchi weqeside xitayni "irqiy qirghinchiliq qildi" dep eyibligen rejep tayyip erdoghan bu qétimqi uchrishishta Uyghur mesilisini otturigha qoyarmu? xitay bash ministiri wén jyabawning bu qétimqi ziyaritining Uyghur mesilisige qandaq tesiri bolar? türkiye tijariy menpe'et üchün Uyghur mesilisini tilgha almay qoyarmu? dégen'ge oxshash so'allargha jawab tépish üchün türkiye istratégiye tetqiqat merkizi mudiri dr. Sinan ogan we türkiye istratégiyilik chüshenche instituti mutexessisi dr. Erkin ekrem ependilerge mikrafonimizni uzattuq.

Yuqiridiki awaz ulinishidin, bu heqtiki melumatimizning tepsilatini anglaysiler.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet