Xemit kerimof merhum abduraxman mehmudining shé'irliri heqqide toxtaldi

Meyli kommunist xitay we meyli milletchi xitay hökümiti dewrliride bolsun, Uyghur milletchi ziyaliyliri, wetenperwer sha'irliri tamamen oxshash qismetlerge duchar bolup keldi.
Muxbirimiz jüme
2009-02-19
Share

Nurghunlighan Uyghur yazghuchi, sha'irliri bir bolsa her xil bahane ‏ - sewebler bilen öltürülse, bir bolsa ularning yürek qénidin pütken ijadiyet méwiliri metbu'atlarda cheklinip xelq bilen yüz körüshtürülmidi.

1962 ‏ - Yili xitay türmisige tashlinip türmide uzun yil azab chekken, türmidin qoyup bérilgen bolsimu, emma özi ijad qilghan shé'irlirining bir parchisinimu neshr qildurushqa muweppeq bolalmay türmidin chiqip uzun ötmey alemdin ötken sha'ir abduraxman mehmudi, ene shularning jümlisidindur.

Abduraxman mehmudining shé'irliri qandaq qismetlerni béshidin kechürüp aridin 46 yil ötkende özi söygen ana wetini we janijan xelqi bilen yüz körüshüsh pursitige ige bolalidi?

Hörmetlik oqurmenler, biz töwende söhbet élip barmaqchi bolghan kishi, xemit kerimof bolup, u 1962 - yili ana yurti ghuljidin hijret qilip orta asiyagha chiqip kétishke mejbur bolghan Uyghur ziyaliylardin biridur.

Xemit kerimof eyni waqitta, ghuljida birge ösken sha'ir dosti abduraxman mehmudi ijad qilghan bir türküm shé'irlarni weten ichide neshr qildurush imkani bolmighanliqi seweblik, chet'elde neshr qildurush istikide özi bilen birge chet'elge élip chiqqan.

Wehalenki, her xil sewebler tüpeyli xemit kerimof, dosti abduraxman mehmudining shé'irlirini chet'ellerdimu neshr qildurushqa muweppeq bolalmighan bolsimu, haman bir küni purset kélidu dégen ümid bilen 46 yil saqlaydu.

Melum bir sewebler bilen xemit kerimof 2008 - yilining axiri amérikigha kélish pursitige érishken hemde dostining shé'irlirini yene shu ezgü istekler bilen amérikigha élip kelgen.

Hörmetlik oqurmenler, yuqiridiki awaz ulinishidin, abduraxman mehmudi we uning shé'irliri heqqidiki söhbitimizdin uchurlargha érishtinglar. Töwende, merhumning " yultuzlar" namliq shé'irini silerge sunimiz.

Yultuzlar

Abduraxman mehmudi  (1960 - yili noyabir)

Éx yultuzlar, yanar yultuzlar,
Charaqlaysen yiraq asmanda.
Köz tikimen sanga köp waqit,
Elem - hesret méni basqanda.

Néchün köz tikimen sa'et - sa'etlep,
Tünlerde uyqu yoq néchün közümde?
Asmanda néme bar? deymen bezide,
So'al bérip tenha özümge.

Ey ... Mendin ketken söygü janani,
Xuddi sendek payansiz uzaq.
Ah yételmesmen uninggha menggü,
Putlirimda yétimlik tuzaq.

Shuningdin tartip sanga telmürüp,
Adet boldi bu sirliq bashqa.
Közümdin nem körelmes héch zat,
Köksüm tolghan elemlik yashqa.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.