Д у қ залида муһәммәд пәйғәмбәрниң туғулған күни вә барин инқилабиниң 17 йиллиқи хатириләнди


2007-04-02
Share

Д у қ вә униң тәркибидики явропа шәрқий түркистан бирлики, шәрқий түркистан информатсийә мәркизи қатарлиқ тәшкилатларниң рәһбәрлири вә әзалири 4 – айниң 1 – күни баш шитаби германийиниң мюнхен шәһиридики д у қ ниң йиғин залида пәйғәмбиримиздур муһәммәд сәлләллаһу әләйһиссаламниң туғулған күнини хатириләш йүзисидин мәвлут өткүзүш билән биргә, 1990 – йили 4 – айниң 5 – күни йүз бәргән "барин инқилаби" ниң 17 йиллиқини хатириләш паалийити елип барди. Паалийәт муқәддимисидә пәйғәмбиримизниң һаят паалийәтлири һәққидә чүшәнчә берип өтүлгәндин кейин, пәйғәмбиримизниң вә униң аилә тавабиатлириниң роһиға дуалар қилинди. Андин барин шеһитлириниң роһиға атап қуран тилавәт қилинди.

Паалийәт давамида д у қ ниң муавин рәиси әсқәрҗан әпәнди уйғурларниң бүгүнгә қәдәр өз мәвҗудлуқини сақлап қелишта ислам дининиң һәл қилғуч рол ойниғанлиқини тәкитләп өтүш билән биргә, 1990 – йили 4 – айниң 5 – күни уйғур вәтинидә йүз бәргән барин инқилабиниң шәрқий түркистан миллий азадлиқ күриши тарихида ойниған ролиға алаһидә юқири баһа берип, барин инқилабиниң вәтән ичи вә сиртидики уйғур миллий һәрикитигә зор тәсир көрситипла қалмай, уйғурлар мәсилисиниң хәлқара сиясий сәһнидә тонулушиға түрткә болғанлиқини, барин инқилабиниң тәсири билән 1992 – йили истанбулда "шәрқий түркистан миллий қурултийи" қурулуп, чәт`әлләрдә тарқақ паалийәт елип бериватқан уйғур тәшкилатлириниң тунҗи қетим бир байрақ астиға җәм болғанлиқини әскәртип өтти.

Бу қетимқи паалийәткә иштирак қилған шәрқий түркистан информатсийә мәркизиниң мәсули абдуҗелил қариқаш әпәнди пикир баян қилип, барин инқилабиниң әһмийити һәққидә өз қарашлирини оттуриға қойди.

Барин шеһидлири вә барин вәқәси һәққидә йетәрлик мәлуматқа игә болған бир қисим уйғурлар мәзкур вәқә тоғрисида өз қарашлирини оттуриға қоюп өткәндин кейин мәвлут башлинип, муһәммәд пәйғәмбәрниң иш – паалийәтлири вә ислам дининиң әһмийити тонуштурулди. Ахирида д у қ муавин рәиси әсқәрҗан әпәнди рабийә қадир ханим башчилиқидики д у қ рәһбәрлириниң җәнвәдә өткүзүлгән б д т йиғинидики паалийәтлиридин мәлумат берип өтти вә рабийә қадир ханимниң саламини йәткүзди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт