Лопнурниң даши кәнтидики деһқанларниң сиясий өгиниш қилишиға сәвәб болған хәт


2005.05.09
Share on WhatsApp
Share on WhatsApp

Йеқинда хитай баш секритари ху җинтавниң лопнур наһийиси даши кәнтиниң иттипақ секритари мәмәт савурға қайтурған җаваб хети, уйғур елидики гезит һәм хәвәр тор бәтлиридә алаһидә орун берилип тәшвиқ қилиниватқан бир қизиқ хәвәргә айланди.

Хитай хәвәрлиридә көрситилишичә, бу йил төтинчи айда даши кәнтиниң иттипақ ячейка секритари мәмәт савур, ху җинтавға бу йезиниң иқтисади әһвалиниң алаһидә яхшилинип, хәлқниң һаллиқ сәвийигә йетип, бирәр қетимму миллий бөлгүнчилик яки қанунсиз диний һәркәтләрниң болуп бақмиғанлиқини доклат қилип " буларниң һәммиси партийиниң миллий сияситиниң яхшилиқидин болди, биз партийимизниң гепини мәңгу аңлаймиз, мәңгү партийигә әгишип маңимиз" дәп хәт язған.

5 - Айниң 4 - күни мәмәт савур, ху җинтавниң "партийимизниң фаңҗин сиясәтлириниң йетәклиши билән кәнт партийә һәм иттипақ ячейкисиниң башламчилиқида юртуңларниң қалақ намрат қияпитини өзгәртипсиләр, турмуш баяшат, милләтләр иттипақ болған һаләт барлиққа кәпту, мән силәрниң қолға кәлтүргән нәтиҗәңләрдин хошал болдум" дегән мәзмунда язған җаваб хетини тапшурувалған.

Буниң билән, лопнур наһийиси даши кәнтидики деһқанлар нөвәттә милләтләр иттипақлиқ ейи мәзгилидә уюштурулған сиясий үгиништә, хитай баш секритари ху җинтавниң бу йезиниң иттипақ ячейка секритари мәмәт савурға язған хетини өгәнмәктә икән.

Му мунасивәт билән мухбиримиз гүлчеһрә ху җинтавға хәт язған мәмәт савур һәмдә бәзи йеза хәлқидин мәлумат игилиди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт