Lopnurning dashi kentidiki déhqanlarning siyasiy öginish qilishigha seweb bolghan xet


2005.05.09
Share on WhatsApp
Share on WhatsApp

Yéqinda xitay bash sékritari xu jintawning lopnur nahiyisi dashi kentining ittipaq sékritari memet sawurgha qayturghan jawab xéti, Uyghur élidiki gézit hem xewer tor betliride alahide orun bérilip teshwiq qiliniwatqan bir qiziq xewerge aylandi.

Xitay xewerliride körsitilishiche, bu yil tötinchi ayda dashi kentining ittipaq yachéyka sékritari memet sawur, xu jintawgha bu yézining iqtisadi ehwalining alahide yaxshilinip, xelqning halliq sewiyige yétip, birer qétimmu milliy bölgünchilik yaki qanunsiz diniy herketlerning bolup baqmighanliqini doklat qilip " bularning hemmisi partiyining milliy siyasitining yaxshiliqidin boldi, biz partiyimizning gépini menggu anglaymiz, menggü partiyige egiship mangimiz" dep xet yazghan.

5 - Ayning 4 - küni memet sawur, xu jintawning "partiyimizning fangjin siyasetlirining yéteklishi bilen kent partiye hem ittipaq yachéykisining bashlamchiliqida yurtunglarning qalaq namrat qiyapitini özgertipsiler, turmush bayashat, milletler ittipaq bolghan halet barliqqa keptu, men silerning qolgha keltürgen netijenglerdin xoshal boldum" dégen mezmunda yazghan jawab xétini tapshuruwalghan.

Buning bilen, lopnur nahiyisi dashi kentidiki déhqanlar nöwette milletler ittipaqliq éyi mezgilide uyushturulghan siyasiy üginishte, xitay bash sékritari xu jintawning bu yézining ittipaq yachéyka sékritari memet sawurgha yazghan xétini ögenmekte iken.

Mu munasiwet bilen muxbirimiz gülchéhre xu jintawgha xet yazghan memet sawur hemde bezi yéza xelqidin melumat igilidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.