Xeyrulla ependi türkiye tashqi ishlar ministiri abdullah gül bilen körüshti

• Ixtiyari muxbirimiz erkin tarimning bu heqtiki melumati
• Download story audio

Xayrulla efendigil ependi türkiye tashqi ishlar ministiri abdulla gül bilen.

29- Yanwar küni qeysirilikler jem'iyitining orunlashturushi bilen, enqerediki dedeman méhmanxanisida qeysirilikler kéchiliki ötküzüldi. Bu kéchilikke türkiye tashqi ishlar ministiri abdulla gül, türkiye parlaménti mu'awin bashliqi sadiq yaqut, parlamént ezaliri we köp sanda qeysirilikler qatnashti. Sherqiy türkistan medeniyet we hemkarliq jemiyiti enqere shöbisining bashliqi xayrullah efendigil ependimu teklipke bina'en qatnashti.

Yighilishta, tashqi ishlar ministiri abdulla gül, bir qeysirilik bolush süpiti bilen qatnashti we söz qildi. Abdulla gülning sözidin kéyin, yighilishqa qatnashqan bir qisim hökümet emeldarliri ixtiyari muxbirimiz erkin tarimning ziyaritini qobul qilip, özlirining Uyghurlar heqqidiki qarashlirini otturigha qoydi.

Qeysiridin saylan'ghan parlamént ezasi tanar yildiz ependi qeysiridiki Uyghurlar heqqide toxtilip, qeysirining Uyghurlargha quchaq achqanliqi, Uyghurlarning özlirining taji dep qaraydighanliqini, shundaqla Uyghur mesilisining türkiye dölet siyasitidiki orni heqqide toxtaldi.

Kéchilikke teklip bilen qatnashqan xayrulla efendigil ependi ixtiyari muxbirimiz erkin tarimning ziyaritini qobul qilip, özining tashqi ishlar ministiri abdulla gül we bashqa yuqiri derijilik hökümet emeldarliri bilen körüshkenlikini we Uyghur mesilisini ulargha anglatqanliqi heqqide toxtaldi.

Bu heqtiki tepsili melumatlarni türkiyidiki ixtiyari muxbirimiz erkin tarimdin anglang.