Kanada, siyasi panahliq tilesh qanunigha xilapliq qilghan bir xitay ayalni chégridin qoghlap chiqardi

Torontoda chiqidighan toronto quyashi gézitining melum qilishiche, yéqinda kanada terep, kanadaning siyasi panahliq tilesh qanunigha xilapliq qilghan bir xitay ayalni chégradin qoghlap chiqarghan.
Muxbirimiz gülshen abduqadir
2010.09.02
Share on WhatsApp
Share on WhatsApp

Melum bolushiche, 24 yashliq féng famililik bu xitay ayal 2003 - yili kanadagha kelgen bolup,2007 ‏ - yili uning kanadadiki siyasi panahliq telipi ret qilin'ghan bolsimu, emma chégridin chiqip ketmey kanadada qachaq yashighan we bu jeryanda, melum bir aliy mektepning tor bétide élan qilin'ghan siyasi panahliq tiligüchilerge  yardem qilimiz dégen xitayche élanni körüp, namelum bir erge tor arqiliq ikki xitayning siyasi panahliq telipini qobul qildurup bérishi üchün, 18 ming kanada dolliri bergenliki melum.

Tor betliri arqiliq saxta élan chiqarghan bu kishi özining kanada hökümiti ichidiki muhim ademler bilen pewqul'adde yéqin munasiwiti barliqi, bu xitay ayalning kanadadiki siyasi panahliq telipini pul arqiliq püttürüp béreleydighanliqi heqqide wede bérip 18 ming kanada dollirini alghan. Lékin bu xitay ayalni aldighan kishilerning qaysi millettin ikenliki éniq emes.
 
Emma, aridin ikki yil waqit ötüp ketken bolsimu, bu xitay ayalning siyasi panahliq telipide héchqandaq ilgirilesh bolmighan. Xitay ayal axirqi qétim ular bilen alaqilashqanda, tor bet aldamchiliri bu ayalgha séning ishing pütti, axirqi ishliringni bu kishi püttürüp béridu dégen we namelum bir kishining téléfun nomurini bergen. Bu xitay ayal özige yardem qilidighan axirqi kishini izlep tapqanda, u féng famililik bu ayalni izlep yürgen saqchi ofitséri bolup chiqqan we bu saqchi ofitséri uning kanada siyasi panahliq tiligüchiler qanunigha xilapliq qilghanliqi üchün kanadadin qoghlap chiqirilidighanliqini bildürgen.

Féng muxbirgha: "xitaygha qaytip barghandin kéyin aqiwitimning néme bolidighanliqini bilmeymen, méning barliq erkinliklirim yoqqa chiqidighan boldi, iqtisadimdinmu ayrildim, xitaygha qaytip barghandin kéyin dostlirimning yüzige qandaq qararmen? dégen."

Kanada metbu'atliridin melum bolushiche, xitaydin kanadagha déngiz yolliri arqiliq kéme bilen, intayin uzun we xeterlik musapilerni bésip qachaq yol bilen kélidighan xitaylarning sani 2000 - yilidin étibaren barghanséri köpiyishke bashlighan. Bundin bir qanche yil ilgiri xitaylardin terkip tapqan 600 kishilik bir kéme kanada déngiz sahiligha qachaq kirip kanadada zor ghulghula peyda qilghan bolup, buning ichide 3 ayalning barliqi melum bolghan.

Bu xitay ayallar kanada k b k téléwiziye qanilining néme üchün bundaq bir xeterge tewekkül qilghanliqi heqqide sorighan so'aligha jawab bérip, xitayda yashash shertlirining intayin töwen ikenlikini, perzentlirining xitaydiki istiqbalidin ümid yoqluqini, ewlatlirigha kanadada parlaq bir kélechek yaritip bérish üchün bu xil xeterge tewekkül qilghanliqini ilgiri sürgen idi.

Yuqiridiki awaz ulinishidin, bu heqtiki melumatimizning tepsilatini anglaysiler.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.