Xitayning, herbiy qorallirimiz 'teywen, Uyghur, tibet musteqilchilirige taqabil turush üchün' déginige amérika ishinemdu?

Xitay kommunist partiye herbiy komitétining mu'awén re'isi shü seyxu hazir amérikini ziyaret qiliwatidu, u amérika istratégiye tetqiqat ornida nutuq sözligende, xitayning uzun musapiliq bashqurulidighan bomba we yadro qorallirini tereqqi qildurushi peqet teywen, shinjang, tibet musteqilchilirige taqabil turushni meqset qilidu dep chüshendürgen. Emma mutexessisler bu gepke ishenmeydu.
Muxbirimiz weli
2009-10-27
Share
Xitay-herbi-parat-oct-1-atom-bomba 1-Öktebir küni, xitay dölet bayrimida parattin ötüwatqan xitayning eng yéngi tiptiki bashqurulidighan bomba sistémisining körünüshi.
AFP Photo

Xitay kommunist partiye herbiy komitétining mu'awén bashliqi shü seyxu hazir amérikini ziyaret qiliwatidu, b b s ning bayan qilishiche, shü seyxuning amérika ziyariti 11‏ - ayning 3 ‏ - künigiche dawam qilidiken. Uning bu qétimqi amérika ziyariti xitay bilen amérika otturisidiki herbiy jehettiki öz - ara ishenmeslikni yoq qilishni meqset qilidiken. Shü seyxu amérikigha kélipla, aldi bilen amérikining istratégiyilik qomandanliq shitabini, tinch okyan armiyisi qomandanliq shitabini we hawa, déngiz, quruqluq qisimlirining üch qomandanliq shitabini ziyaret qilghan.

Amérika awazining bayan qilishiche, xitayning bu aliy derijilik herbiy emeldari amérika xelq'ara istratégiye tetqiqat merkizide qilghan sözide 'xitayning uzun musapiliq bashqurulidighan bomba qatarliqlarni öz ichige herbiy qorallarni tereqqi qildurushi amérikigha qaritilghan' dégen bahalarni ret qilip 'bizning bashqurulidighan bomba we yadro qorallirini tereqqi qildurishimiz teywen musteqilchiliri, Uyghur musteqilchiliri we tibet musteqilchilirige qaritilghan, chünki dölitimiz téxi birlikke keltürülgini yoq' dep chüshendürgen. Emma shü seyxuning bu geplirige mutexessisler ishenmeydu.

Buningdin burun xitayning bir herbiy emeldari bizning yadro qorallirini élip mangidighan bashqurulidighan bombilirimiz amérikining los anjilis, nyuyork sheherlirige yétidu, dep tehdit salghan idi

Türkiyidiki hajettepe uniwérsitétining dotsénti, istratégiyilik chüshenche inistitotining tetqiqatchisi erkin ekremning qarishiche, buningdin burun xitayning bir herbiy emeldari bizning yadro qorallirini élip mangidighan bashqurulidighan bombilirimiz amérikining los anjilis, nyuyork sheherlirige yétidu, dep tehdit salghan idi. Emdi xitay bu herbiy emeldarining sözini kishiler adem aldawatidu, dep chüshinishi mumkin.

Xitayning uzun musapiliq bashqurulidighan bombiliri emeliyette amérikigha qaritilghan

Hazir amérikida turuwatqan jem'iyetshunas, iqtisadshunas chén shawnung xitayning bu aliy derijilik herbiy emeldarining sözige hergiz ishenmeydiken. Uning qarishiche, emeliyette xitayning atalmish yadro qoraliri we uninggha munasip halda teyyarlan'ghan ottura we uzun musapiliq bashqurulidighan bombiliri amérikigha qaritilghan. Uning qaratmiliqi rusiyinimu öz ichige alidu, elwette. Bir nechche ming kilométir musapini közlep yasalghan bashqurulidighan bombilarni, su asti paraxotlardin bir nechche ming kilométir yéraqliqqa atidighan yadro qorallarni teywen'ge qaritilghan dése héchkim ishenmeydu, chünki teywen aran xitaydin bir nechche yüz kilométir yéraqliqta.

Shü seyxuning bu gepliri amérika tetqiqatchilirini hamaqet chaghlighanliq

Chén shawnungning qarishiche, shü seyxuning bu gepliri ras gep emes, herbiy sawatlardin azaraq xewiri bar her qandaq adem buni bileleydu. Bu qorallar Uyghur, tibet musteqilchilirige taqabil turush üchün yasalghan dégini téximu qamlashmighan gep, Uyghurlarning, tibetlerning ichidiki özlirining kelgüsige ehmiyet bériwatqan kishiler yéraq bir jayda emes, xitay ularni herbiy qisimliri bilen muhasirige élip turuwatidu, ulargha uzun musapiliq bashqurulidighan bombigha yadro bombisi qachilap étish hajet emes, shü seyxuning 'junggoning bashqurulidighan bombiliri teywen, Uyghur, tibet musteqilchilirige qaritilghan' dep chüshendürgenliki amérika tetqiqatchilirini hamaqet chaghlighanliq.

Eger Uyghurlar bundaq geplerge ishense namayish qilmaytti

Xitay kommunist partiye herbiy komitétining mu'awin bashliqi shü seyxuning bu gépige Uyghurlar ishinemdu? erkin ekremning qarishiche, eger Uyghurlar bundaq geplerge ishense namayish qilmaytti.

Anonymous says:
Oct 27, 2009 09:44 PM

Xittaylar intayin qélin xeq.. Her qandaq gepni diyishtin xijil bolmaydu.. Men bu bombini bizge qaritilghan dep qaraymen.. Shu bombilarning qorqunishida yashawatqan ﯪtmni ,, mihriban ﯪnamni esliginimde ,, . .. Bu bombining mining ﯪilemge qarshila yasalghinidek hislarda bolimen . . Xuda isip qilsa . . Bizning ﯪrmiyelirimizmu . . Buningdin katta bombilarni yasaydu.. Shu waqti kelgende ,, xtayning qéni bilen maylap turup ,,xtaygha ﯪtimiz.. Hurrrra hurrrra . . . . .. .

Anonymous says:
Oct 28, 2009 08:10 AM

Shu seyxuning bu sözining -ﯪsasi bar.Uyghur,tibet,teywen musteqilchilirini qollighan döletlermu xitay doliti terpidin dushmen sanilidu.Bu bombilarni shulargha -ishlitimiz dimekchi bolushi mumkin.

Anonymous says:
Oct 29, 2009 05:04 AM

Menmu eshenmeymen.

Anonymous says:
Oct 29, 2009 09:53 AM

ﯪDm emes haywan haman yoqaydü!!!!

Anonymous says:
Oct 28, 2009 05:56 AM

Xitayning bu gipige héchkim ishenmeydu

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet