Хитайниң истанбул консолханиси `үрүмчи вәқәсиниң һәқиқий йүзи` намлиқ CD пиластинкиси тарқатти

Хитай хәлқ җумһурийитиниң истанбулда турушлуқ консолханисии `5 - июл үрүмчи вәқәсиниң һәқиқий йүзи` намлиқ CD пиластинкиси тарқатмақта. CD Пиластикисиниң муқависиға түрк тилида` 5 тәммуз үрүмчи олайинин ич йүзү` дәп йезилған болуп, астиға көйдүриветилгән аптомобиллар вә таяқ йегән хитайларниң сүрити чүшүрүлгән.
Мухбиримиз әркин тарим
2009.08.07
xitay-konsolosliqi-turkiyede-linte-tarqatmaqta-305.jpg Сүрәттә, хитайниң истанбулда турушлуқ консолханисии тарқитиватқан `5 - ийул үрүмчи вәқәсиниң һәқиқий йүзи` намлиқ CD пиластинкиси.
RFA Photo / Erkin Tarim

Бу CD пиластинкиси түркийидики һәр қайси идарә - җәмийәтләргә, ахбарат органлириға, һәр қайси аммивий тәшкилатларға, тонулған затларға вә түркийидә паалийәт елип бериватқан  шәрқий түркистан аммивий тәшкилатлириға тарқитилған. Линтида үрүмчи вәқәсиниң дуня уйғур қурултийи билән четишлиқи барлиқи илгири сүрүлгән. Булардин башқа линтидә йәнә, пәқәтла уйғурлар хитайларни уруватқан көрүнүшләргә йәр берип, хитайларниң уйғурларни урған көрүнүшигә пәқәт йәр берилмигән.

Шуңа түркийидики шәрқий туркистан аммивий тәшкилатлириниң рәһбәрлири бу һоҗҗәтлик филимгә `ялған һөҗҗәтлик филм` дәп исим қоюп қойған. Биз бу CD пиластинкиси һәққидә көз қаришини елиш үчүн түркийидә паалийәт елип бериватқан аммивий тәшкилатларниң мәсуллири билән сөһбәт елип бардуқ.

Улар, хитайларниң вәһши йүзиниң 5 - июлда йәнә бир қетим дуняға ашкариланғанлиқини, хитайниң бу хил ялған тәшвиқатлар билән түрк рәһбәрлириниң, шундақла түрк җамаәтчиликиниң шәрқий түркистан мәсилисигә болған көз қаришини өзгәртәлмәйдиғанлиқини ейтишти.   

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.