Amérikida yene kommunist xitay jasusliri dégen témidiki xewer , tehliller köpiyip qaldi


2007-07-27
Share

2006 ‏- Yilida, awstraliyide xitaydin yüz örigen diplomat chén yunglin shimaliy amérikida minglighan xitay jasusliri heriket qiliwatidu, dep pash qilghandin kéyin, 'kommunist xitay jasusliri' mesilisi dunyaning diqqitini qozghashqa bashlighan idi. Yéqindin buyan amérikida yene 'kommunist xitay jasusliri' dégen témida xewer , tehliller we bu témigha qiziqquchilar köpiyip qaldi.

7 ‏- Ayning béshida, amérikida xitayche chiqidighan 'muhajirlar géziti', 'dunya géziti' , 'yultuzluq aral géziti' qatarliq gézitlerde, kommunist xitay jasusliri amérikining dölet menpe'etige ziyan séliwatqanliqi, amérika fédéral tekshürüsh idarisi FBI bolsa, amérikida heriket qiliwatqan xitay jasuslirining ehwalini bilidighan kishilerning hazirqi jasus tazilash herikitige yéqindin hemkarlishishini ümid qilidighanliqi heqqide uda bir nechche kün xewer élan qilin'ghan idi.

7 ‏- Ayning 22‏- 23 ‏- künliri yene 'bügün amérikida' gézitide, amérika fédéral tekshürüsh idarisining xadimliri kommunist xitay jasuslirigha qarshi heriket qolliniwatqanliqi heqqide tepsiliy xewer élan qilindi. 'Boshün tor béti'de 2007 ‏- yil 7 ‏- ayning 25 ‏- küni élan qilin'ghan "üch mingdek xitay jasusi amérikida herikette" dégen maqalidimu buninggha da'ir uchurlar bayan qilindi. Uyghurlar heqqidiki tor betliride bolsa, bu heqtiki uchurlar derhal köchürüp élan qiliniwatidu.

Xitay jasusliri amérikidin herxil pen-téxnikini exlet sümürgüchtek sümürüp toplap élip kétiwatidu

"Üch mingdek xitay jasusi amérikida herikette" dégen maqalida bayan qilinishiche, amérika fédéral tekshürüsh idarisining kommunist xitay jasuslirigha qarshi heriket élip bériwatqan ofitséri brus karlson muxbirlargha ehwal tonushturghanda 'amérikining hazirqi zaman pen -téxnikisini oghrilash bilen shughulliniwatqan jasuslar birla döletning jasusliri emes, xitaydin bashqa yene rusiye, iran jasuslirimu bar.

Emma eng jiddiy heriket qiliwatqini kommunist xitay jasusliri. Xitay hazir bir tereptin eng erzan emgek küchlirini ishlitish arqiliq pütün dunya bilen bazar talashsa, yene bir tereptin, jasusliri arqiliq gherbning pen-téxnikisini oghrilash üchün nahayiti jiddiy heriket qiliwatidu. Chünki, özide yoq téxnikini pulgha sétiwélish, belki azla pul serp qilip oghrilap kétish , ijad qilghan'gha qarighanda köp erzan toxtaytti.

Shunglashqa kommunist xitay jasusliri hazir amérikida herxil pen-téxnikini xuddi exlet sümürgüchtek sümürüp toplap élip kétiwatidu' dégen. Xewerde éytilishiche, amérika fédéral tekshürüsh idarisi bu yil pash qilishqa kirishken 143 délo biwaste xitaygha chétilidiken.

Xitay özining jasuslirini hergiz qutqazmaydu

"Amérika fédéral tekshürüsh idarisining xadimliri kommunist xitay jasuslirigha taqabil turmaqta " dégen maqalide bayan qilinishiche, pan amérika kapitali namliq bir shirketning mu'awin bashliqi saw'en jüshi ependi 'xitayning jasusluq tarixidin melum bolushiche, kommunist xitay hökümiti chet'ellerde jasusluqqa salidighan kishilerni, adette chet'ellerdiki xitay muhajirliri, xitayning yuqiri derijilik emeldarlirining jemetliri, aliy mekteplerdiki mutexessisler we oqughuchilar ichidin tallaydu. Bolupmu 'junggo' dégen atalghu bilen 'junggo kommunist hökümiti' dégen atalghuning perqini mujimelleshtürüp qoyghan kishiler ichidin tallaydu.

Téximu qebih yéri shuki, kommunist xitay hökümiti özining jasusliri chet'ellerde sadir qilghan jinayetlerni hergiz étirap qilmaydu we özining jasusliri xeterge duch kelgende ularni hergiz qutqazmaydu' dégen.

Kolumbiye uniwérsitétidiki 'oqughuchilar, mutexessisler birleshmisi' kommunist xitay jasuslirining tayanchi bazisi

"Kolumbiye uniwérsitétidiki oqughuchilar we mutexessisler birleshmisi kommunist xitay jasuslirining tayanchi bazisi" dégen maqalide bayan qilinishiche, 'junggo tinchliq-démokratiye birliki' dégen teshkilatning re'isi tang bochyaw ependining 2001‏- 2003 ‏- yillarda nyuyork shehiridiki kolumbiye uniwérsitétida oqughan waqitta hés qilghan we bilgenlirige asasen pash qilishiche, kolumbiye uniwérsitétidiki 'oqughuchilar we mutexessisler birleshmisi' dégen organ kommunist xitay jasusli'irning tayanchi bazisi. Uning bashliqlirining üchten ikkisi xitayning bash elchixanisining mexsus xadimliri.

Bu teshkilatning emeldarliri we uning ichidiki bezi kishiler adette özining nami yézilmighan, her ayda üch ming dollargha qeder pul alghili bolidighan inawetlik qerz kartliridin pul élip xejleydu. Xitayning dölet bashliqliri amérikigha kelse, mushu teshkilat oqughuchilarni teshkillep qarshi alghuzidu. Xitayning dölet rehberlirini qarshi élishqa chiqidighan , xitaydiki bashqa millet sheklide kiyim kiyip , usul oynap chiqidighan xitay oqughuchiliri yaki bashqa shexsiyler üchün , hetta kichik balilarmu bir san hésablinip, her bir kishi üchün künige az dégende 30 dollardin 50 dollarghiche pul béridu. Kommunst xitay hökümiti adette 'kommunist shahzadiliri'ning köpinchisini mushu meshhur mektepke ewetip pul tölep oqutidu.

Xitay hökümiti ularning bir qismini amérikida turup qélip, kommunist xitayning nöwettiki siyasetlirige maslishishqa yéteklep kelmekte. Adette amérikida kommunist xitay hökümitige oqulidighan medihiyeler, amérikigha qaritilghan eyibleshler, qara tenliklerge qilin'ghan haqaretler, köpinche halda mushu meshhur mekteptiki 'oqughuchilar teshkilati' déyilgen teshkilatning iqtisadiy yardimi bilen meydan'gha kelgen.

Kolumbiye uniwérsitétida xelq'ara siyaset oqup doktorluq unwani alghan li tyenshaw ependining pash qilishiche, sowét ittipaqi gumran bolghandin kéyin, amérika fédéral tekshürüsh idarisi kommunist xitay jasuslirigha bolghan nazaretni kücheytken idi. Xitay jasusliri 1989 ‏- yilidin bashlapla amérikida közitilishke bashlighan idi. Mushu noqtidin éytqanda, amérikida ma'arip, pen-téxnika saheliri we chong shirketlerge singip kiriwalghan xitay jasusliri alliqachan amérikining torigha chüshüp bolghan. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet