Xitayda ishlep chiqirilghan oyunchuqlar türkiyidimu yighiwélinmaqta

• Muxbirimiz erkin tarimning bu heqtiki toluq melumati
• Download story audio

Amérikidiki mattél shirkitining pütün dunyadiki balilar arisida keng tarqalghan" sargi" isimlik oyunchuq mashina we " barby and tanner" isimlik qonchuqliri türkiyidiki balilarningmu eng yaxshi körüp oynaydighan oyunchuqliri idi. Emma bu oyunchuqlarda balilarning saghlamliqigha ziyan béridighan maddilar bayqilip, bu oyunchuqlarning amérika bazirida sétilishi cheklinip , sétilghanliri yighiwélinishqa bashlan'ghan idi.

Amérikining bu qararidin kéyin mattél shirkitining türkiyidiki oyunchuq dukanlirimu bu oyunchuqlarni yighiwélishqa bashlidi. Amérikidiki bu shirket xitayda ishlep chiqirilghan bir yérim milyon oyunchuqni bazarlardin toplash qarari chiqarghan idi. Mattél shirkiti oyunchuqlarda ishlitilgen boyaqta simab barliqini bayqap, xitaydiki ishlep chiqarghuchi zawutni eyipligen idi. Bu ehwallar meydan'gha kelgendin kéyin xitaydiki bu oyunchuqlarni ishlep chiqarghan zawutning bashliqi özini öltürüwalghan idi. Undaqta bu oyunchuqlarda bayqalghan simab balilargha qandaq xeter élip kélidu? bu heqte balilar doxturi önder aksu ependi melumat berdi.

Türkiyidiki oyunchuqlarning köpi xitaydin import qilin'ghan bolup, xitayda ishlep chiqirilghan oyunchuqlarning salametlikke ziyan bériwatqanliqi heqqidiki bu xewer türkiyide ensizlik yaratti. Xitaydin import qilin'ghan oyunchuqlar zadi qanchilik? bu heqte türkiye - xitay tijaret komitétining bashliqi yawuz onay ependi melumat berdi.( Erkin tarim)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar