Türkiyide xitayda ishlep chiqirilghan mektep oqush matériyallirini sétiwalmasliq teshebbus qilindi

Türkiyining eng chong gézitliridin biri bolghan "höriyet" gézitining 9 - ayning 13 - künidiki sanida türkiye hünerwen we sen'etkarlar uyushmisi bashliqi bendewi palandöken ependining ata - anilarning, oqush matériyallarni sétiwalghanda xitayda ishlep chiqirilghan oqush matériyallirini almasliqqa chaqirghan bir bayanatigha orun bérilgen.
Muxbirimiz erkin tarim
2010.09.14
Share on WhatsApp
Share on WhatsApp
xitay-mali-almanglars-degen-chaqiriq-besilghan-gezit-305 Süret, türkiye "höriyet" gézitining 9 - ayning 13 - künidiki sanida türkiye hünerwen we senetkarlar uyushmisi bashliqi bendewi palandöken ependining ata - anilarning, oqush matériyallarni sétiwalghanda xitayda ishlep chiqirilghan oqush matériyallirini almasliqqa chaqirghan bayanati bésilghan gézit bétidin bir körünüsh.
RFA Photo / Erkin Tarim

Xewerde palandöken ependi ata anilarning balilargha süpetlik oqush matériyallirini sétiwélish kéreklikini tekitlesh bilen birge xitayning sün'iy rexliridin ishlep chiqirilghan malliridin yiraq turushi kéreklikini éytqan.
 
Türkiyidiki bashlan'ghuch, toluqsiz we toluq ottura mekteplerning oqush bashlishigha az qalghan mezgilde, palandöken ependi türkiyide 15 milyon oqughuchining mektep formisi we oqush matériyallirini sétiwélishida ata anilargha chaqiriq qilip mundaq dégen: "balilirimizgha mektep formisi we oqush matériyalliri alghanda türkiyide ishlep chiqirilghan markilardin sétiwélinglar, salametlikke ziyan bolghan xitay malliridin saqlininglar."

U, muxbirlargha bergen bayanatida yene: "oqush matériyalliri sétiwélish üchün her a'ile köp pul chiqim qilidu, emma balilirimizgha süpetlik oqush matériyalliri sétiwélish intayin muhim. Sün'iy we boyalghan rextlerdin ishlep chiqirilghan xitay malliridin yiraq turush kérek. Erzan dep sétiwalghan mallarning salametlikimizge tehdit élip kélidighanliqini unutmayli. Import qilin'ghan süpetsiz xitay mallirigha bergen pulimizha ichimiz aghrisun, emma dölitimizde ishlep chiqirilghan mallardin guman qilmanglar, hetta xitaymu süpetlik depterlerni bizdin sétiwéliwatidu."
   
Türkiyide xitayda ishlep chiqirilghan buyumlar dégende kishilerning köz aldigha süpetsiz mallar kélidu, uning üstige 5 - iyul ürümchi weqesidin kéyin türkiye sana'et we tijaret ministiri nihat ergün ependi türk xelqini insan heq we hoquqigha hörmet qilmaydighan döletlerde ishlep chiqirilghan mallarni istimal qilmasliqqa chaqirghan idi.

Bu chaqiriqlarning tesiri qanchilik bolar? türk xelqi rastinla xitayda ishlep chiqirilghan mallarni sétiwalmamdu? bu heqtiki köz qarishini élish üchün türkiyide tijariy meslihetchilik bilen shughulliniwatqan abduréshit ependige mikrafonimizni uzattuq.

Yuqiridiki awaz ulinishidin, bu heqtiki melumatimizning tepsilatini anglaysiler.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet