Хитай маллириға йеңи чәклимиләр қоюлди
2006.12.26
Түркийә ташқи сода идарисиниң уқтурушидин мәлум болушичә 2007-йилида хитайниң 44 түрдики тоқумичилиқ маллириға чәклимә қоюлидикән. Түркийә ташқи сода идариси мәнбәси хитай хәлқ җумһурийитидин болған бәзи тоқумичилиқ вә тәйяр кийим маллириниң импорт қилинишиға чәклимә қоюшни қарарлаштурди. Уқтуруштин қариғанда, ташқи сода идариси импорт баш мудирлиқи елип барған тәкшүрүш нәтиҗисидә, хитай хәлқ җумһурийитиниң мәвҗут тоқумичилиқ вә тәйяр кийим ишләп чиқириш күчиниң күндин күнгә артиватқанлиқи вә мәнбәси хитай хәлқ җумһурийити болған малларниң импорт қилинишиниң базарни қалаймиқанлаштуруш вә базар қалаймиқанлаштуруш тәһдити сәвәблик тиҗарәтниң тәртиплик раваҗлинишиға тосақ болидиғанлиқи ениқланған. Нәтиҗидә, хитай хәлқ җумһурийити мәнбәлик бәзи тоқумичилиқ вә тәйяр кийим мәһсулатлириниң импорт қилинишиға сан чәклимиси қоюшқа қарар берилгән.
Сан чәклимиси қоюлидиған малларниң асаслиқлири төвәндикичә:
Пахтилиқ рәхтләр, пәлто, чапан қатарлиқ кийим - кечәкләр, юң, пахта, сүний талалардин ишләп чиқирилған шарпа, яғлиқ вә мушуниңға охшаш мәһсулатлар, қиз- аяллар үчүн йипәктин ишләп чиқирилған майкилар, тоқулма кийимләр, йипәктин ишләп чиқирилған көйнәк, майка, көңләкләр, кариват япқучлар, пәрдиләр. Әрләр вә оғул балилар үчүн тикилгән ухлаш кийимлири, дастиханлар, юң вә һайванларниң қиллиридин тоқулған рәхтләр, бовақлар үчүн тикилгән кийимләр, пайпақ қатарлиқлар.
юқирида санап өткәнлиримиз сан чәклимиси қоюлған малларниң пәқәтла бир қисмидур. Өткән йили түркийә мана мушундақ сан чәклимиси чиқарғанда хитай буниң дуня тиҗарәт тәшкилатиниң қанунлириға хилап икәнликини ейтип түркийигә наразилиқ билдүргән иди. Әмма буниңға қаримай түркийә сан чәклимиси қоюлидиған малларниң санини техиму җиқайитмақта. Һазир хитайниң түркийидә турушлуқ баш әлчиси суң әйго хитайға қайтқандин кейин униң орниға суң гошйән вәзипигә тәйинләнди. У вәзипини тапшуруп алғандин кейин һәрқайси министирләрни айрим -айрим зиярәт қилип икки дөләт арисидики мунасивәтни йеқинлаштурушқа тиришиватқан күнимиздә түркийәниң хитай мелиға бундақ бир сан чәклимисини чиқириши икки дөләт мунасивитигә қандақ тәсир көрситәр? бу һәқтә көз қаришини елиш үчүн түркийә хитай мунасивити мутәхәссиси доктор әркин әкрәм әпәнди билән телефон зиярити елип бардуқ.
Мунасивәтлик мақалилар
- Хитайда әқлий мүлүк һоқуқини қоғдаш мәсилиси йәнила еғир
- явропа иттипақи хитайдин сода қизил рәқимини азайтип, кишилик һоқуқ хатирисини яхшилашни тәләп қилди
- Хитайда ишләпчиқирилған оюнчуқлар хәвп яритиватиду
- Хитай билән америка оттурисидики сода маҗраси барғансери күчәймәктә
- Хитайда, сахта дорилар техиму көп адәмләрни һаятидин айримақта
- Хитайдики әқлий мүлүк һоқуқи мәсилиси һәққидә гуваһлиқ бериш йиғини өткүзүлди
- Хитайниң тәқлиди маллири германийә телевизорлрида
- Йемәкликтин зәһәрлиниш вәқәси 3 кишиниң җениға замин болди
- Хитай маллири хәвпи түркийә парламентиниң күнтәртипидә
Көп көрүлгән хәвәрләр
RFA
- Әркин асия радийосиниң мәшғулати федератсийә мәблиғиниң кесилиши билән тохтиши мумкин
- Ақсуда розидарларниң розисини бузуш яки роза тутушқа имкан қоймаслиқ үчүн аһалиләр мәҗбурий әмгәккә селинған
- Турғунҗан алавудун б д т да уйғур ирқий қирғинчилиқи вә хитайниң диний бастурушлирини әрәб тилида оттуриға қойди
- Әнглийәлик ютубер көргән тақақлиқ мәсчитләр вә роза тутуш чәкләнгән уйғурлар вәзийити диққәт қозғиди
- Мутәхәссисләр: “уйғур елидики юқумлуқ кесәлликләрниң алдини елиш базиси лопнурдики ядро синақ базисиға охшап кетиду”