" Қәдимки греклар 2008 ‏- йиллиқ олимпик мусабиқиси арқилиқ өз қәбрисини қазидиған болди"


2007-08-31
Share

Хитайда өткүзүлмәкчи болған олимпик мусабиқисиниң йеқинлишишға әгишип шветсийә ахбаратлирида 2008 йилдики олимпик һәққидики һәр хил мақалиләр үзлүксиз елан қилинмақта. Буларниң ичидә кишиләргә зор тәсир бәргән мақалиниң бири , йеқинда шиветсийәдики оқурмини әң коп һесабланған метро гезитидә елан қилинған , бир оттура мәктәп уқуғучисиниң мақалисидур. Әмдила толуқ оттуриға чиққан бу оқуғучи оз мақалисидә мундақ дәйду " бейҗиңда өткүзүлмәкчи болған олимпик мусабиқисигә бир йилдинму аз вақит қалған бүгүнки күндә техи кишиләрни һәйран қалдурғидәк һечқандақ бир иш йүз бәргини йоқ. Дунядики кишиләр хитайдики реҗимни чүшәнмәйватамду яки аз кам 20 йилниң алдида бейҗиңда йүз бәргән 2миң адәмниң өлүшидәк чоң вәқәни унтуп қеливатамду?

2008 ‏- Йили бейҗиң олимпик һәқиқий өз мәниси билән боларму?

Кишиләр демократийини җари қилдуруш вә уни юқири көтириш үчүн олимпик мусабиқисини өткүзүшкә башлиған. Олимпик мусабиқиси һәқиқий бир мумкинчилик , шуңа кишиләр бу мусабиқә үчүн йиллап мәшиқ қилиду вә мәхсус қурулушларни селип, нурғун пул хәҗләп тәйярлиқ қилиду. Бундақ қилиштики мәқсәт кишиләр өзини көрситиш вә униңдин һозурлиниш үчүн бир пурсәт яритиштур. Грекларниң ғорури вә пәхри болған бу оюн 2008 ‏- йили бейҗиңда һәқиқий өз мәниси билән боларму?

Нурғун кишиләр 2008 ‏- йиллиқ олимпик мусабиқисиниң бейҗиңда өткүзүлгини яхиши болди, чүнки пүтүн дуня у йәрдә қандақ ишларниң йүз бериватқанлиқини өз көзи билән көридиған болди дәп қарашмақта. Әмма , бу хиял қанчилик гүзәл болмисун , бу бир реалистик ноқтинәзәр дәп қаримаймән " дәйду аптор мақалисидә. У тарихтики олимпик мусабиқисидин мисал кәлтүрүп мундақ дәп язиду 1936 ‏- язда олимпик мусабиқиси германийиниң берлин шәһиридә өткүзүлгән иди. Шу қетимқи мусабиқини көргән 3 милйон 800 миң киши таки һазирғичә шу вақитта германийидә немә ишлар йүз бәргәнлики һәққидә һечнемә дигини йоқ , әмма тарих башқа бир тарихни тәсвирләватиду. Шуниси ениқки, 2008 ‏- йили бейҗиңдики олимпик мусабиқисидиму ху җинтав вә у рәһбәрлик қиливатқан коммунистик партийә бизгә бурунқиға охшаш биз халиған нәрсиләрни көрситиши мумкин әмәс. Бизниң у йәрдә көридиғинимиз пәқәт кичик балиларниң күлкиси вә қизарған йүзләрдур.

Совет иттипақини дунядики 65 дөләт байқут қилған

Бурун олимпик мусабиқиси кишиләрниң нәзиридә диктатор һесабланған совет иттипақида өткүзүлгәндә дунядики 65 дөләт өзиниң наразилиқини билдүрүш үчүн олимпикни байқут қилған иди , нурғун тәнтәрбийичиләрму баянат елан қилип шу қетимқи олимпик мусабиқисигә қатнишишни рәт қилған иди. Улар олимпикни байқут қилиш сәвәблиридә совет иттипақиниң афғанистанға һуҗум қилғанлиқини асас қилип көрсәткән иди. Шветсийә шу қетимму олимпикни байқут қилмиған , бу қетимму бейҗиң олимпик мусабиқисини байқут қилмайдиғанлиқи ениқ " дәйду аптор мақалисидә аччиқ қилип.

Аптор мақалисиниң ахирида мундақ дәйду " хитай коммунистик партийиниң қиливатқини мәйли хата болсун , мәйли тоғра болсун , келәр йили олимпикниң бейҗиңда өткүзүлидиғини ениқ .Бирақ , шундақ дәп муәййәнләштүрүшкә болидуки , қәдимки греклар һеч иккиләнмәйла 2008-йиллиқ олимпик мусабиқи арқилиқ өз қәбрисини қазидиған болди. Әгәр шундақла болса , мән ойлаймәнки келәр қетимлиқ олимпик мусабиқисини кишиләр әң диктатор дәп һесаблаватқан шималий корийигә бәрсәкму боливериду. (ялқун)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт