" Qedimki gréklar 2008 ‏- yilliq olimpik musabiqisi arqiliq öz qebrisini qazidighan boldi"


2007-08-31
Share

Xitayda ötküzülmekchi bolghan olimpik musabiqisining yéqinlishishgha egiship shwétsiye axbaratlirida 2008 yildiki olimpik heqqidiki her xil maqaliler üzlüksiz élan qilinmaqta. Bularning ichide kishilerge zor tesir bergen maqalining biri , yéqinda shiwétsiyediki oqurmini eng kop hésablan'ghan métro gézitide élan qilin'ghan , bir ottura mektep uqughuchisining maqalisidur. Emdila toluq otturigha chiqqan bu oqughuchi oz maqaliside mundaq deydu " béyjingda ötküzülmekchi bolghan olimpik musabiqisige bir yildinmu az waqit qalghan bügünki künde téxi kishilerni heyran qaldurghidek héchqandaq bir ish yüz bergini yoq. Dunyadiki kishiler xitaydiki réjimni chüshenmeywatamdu yaki az kam 20 yilning aldida béyjingda yüz bergen 2ming ademning ölüshidek chong weqeni untup qéliwatamdu?

2008 ‏- Yili béyjing olimpik heqiqiy öz menisi bilen bolarmu?

Kishiler démokratiyini jari qildurush we uni yuqiri kötirish üchün olimpik musabiqisini ötküzüshke bashlighan. Olimpik musabiqisi heqiqiy bir mumkinchilik , shunga kishiler bu musabiqe üchün yillap meshiq qilidu we mexsus qurulushlarni sélip, nurghun pul xejlep teyyarliq qilidu. Bundaq qilishtiki meqset kishiler özini körsitish we uningdin hozurlinish üchün bir purset yaritishtur. Gréklarning ghoruri we pexri bolghan bu oyun 2008 ‏- yili béyjingda heqiqiy öz menisi bilen bolarmu?

Nurghun kishiler 2008 ‏- yilliq olimpik musabiqisining béyjingda ötküzülgini yaxishi boldi, chünki pütün dunya u yerde qandaq ishlarning yüz bériwatqanliqini öz közi bilen köridighan boldi dep qarashmaqta. Emma , bu xiyal qanchilik güzel bolmisun , bu bir ré'alistik noqtinezer dep qarimaymen " deydu aptor maqaliside. U tarixtiki olimpik musabiqisidin misal keltürüp mundaq dep yazidu 1936 ‏- yazda olimpik musabiqisi gérmaniyining bérlin shehiride ötküzülgen idi. Shu qétimqi musabiqini körgen 3 milyon 800 ming kishi taki hazirghiche shu waqitta gérmaniyide néme ishlar yüz bergenliki heqqide héchnéme digini yoq , emma tarix bashqa bir tarixni teswirlewatidu. Shunisi éniqki, 2008 ‏- yili béyjingdiki olimpik musabiqisidimu xu jintaw we u rehberlik qiliwatqan kommunistik partiye bizge burunqigha oxshash biz xalighan nersilerni körsitishi mumkin emes. Bizning u yerde köridighinimiz peqet kichik balilarning külkisi we qizarghan yüzlerdur.

Sowét ittipaqini dunyadiki 65 dölet bayqut qilghan

Burun olimpik musabiqisi kishilerning neziride diktator hésablan'ghan sowét ittipaqida ötküzülgende dunyadiki 65 dölet özining naraziliqini bildürüsh üchün olimpikni bayqut qilghan idi , nurghun tenterbiyichilermu bayanat élan qilip shu qétimqi olimpik musabiqisige qatnishishni ret qilghan idi. Ular olimpikni bayqut qilish sewebliride sowét ittipaqining afghanistan'gha hujum qilghanliqini asas qilip körsetken idi. Shwétsiye shu qétimmu olimpikni bayqut qilmighan , bu qétimmu béyjing olimpik musabiqisini bayqut qilmaydighanliqi éniq " deydu aptor maqaliside achchiq qilip.

Aptor maqalisining axirida mundaq deydu " xitay kommunistik partiyining qiliwatqini meyli xata bolsun , meyli toghra bolsun , kéler yili olimpikning béyjingda ötküzülidighini éniq .Biraq , shundaq dep mu'eyyenleshtürüshke boliduki , qedimki gréklar héch ikkilenmeyla 2008-yilliq olimpik musabiqi arqiliq öz qebrisini qazidighan boldi. Eger shundaqla bolsa , men oylaymenki kéler qétimliq olimpik musabiqisini kishiler eng diktator dep hésablawatqan shimaliy koriyige bersekmu boliwéridu. (Yalqun)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet