Xitayning, sherqi türkistan `térrorchiliri' tizimliki heqqide tehlil

Xitay jama'et xewpsizlik ministirliqi ikkinchi türkümde térrorchi dep eyibligen sherqi türkistan küchlirining tizimlikini élan qilghandin kéyin, dunyaning her qaysi jayliridiki Uyghur pa'aliyetchiliri we teshkilatliri derhal inkas qayturup özlirining bu heqtiki qarashlirini otturigha qoydi.
Muxbirimiz erkin tarim
2008.10.22
Qeshqer-xitay-saqchi-matem-305 4 - Awghust künidiki hujumda öltürülgen 16 xitay qoralliq saqchi xadimlirining matem murasimgha qatnishiwatqan uyghurlarning yighilip turushqan we bir xitay saqchisining kishiler topini nazaret qilip turghan körünüshi. 2000 Gha yéqin uyghurlarmu matem murasimigha qatnashqan bolup, bir nechche kishiler AFP muxbirigha özlirining matemge buyruq bilen qatnishiwatqanliqini éytqan.
AFP Photo

Enqere hajettepe uniwérsitét oqutquchisi istratégiye mutexessisi doktor erkin ekrem ependi bilen élip barghan söhbitimizde, u, xelq'ara kélishim we qanunlarda öz erkinliki üchün küresh qilghan kishilerning térrorchi hésablanmaydighanliqi heqqide belgilimiler barliqini, uning üstige ölüm jazasi, qiyin - qistaq we bésim bar döletlerge jinayetchilerni qayturush xelq'ara kélishimlerde meniy qilin'ghanliqinimu éytqan idi.

Undaqta xitayning ikkinchi türkümdiki sherqi türkistan térrorchi gumandarliri tizimlikini élan qilishidiki meqsiti néme? bundaq qilish arqiliq xitay meqsitige yételemdu? bu qararning néme ünümi bolar? birinchi qétim élan qilin'ghan tizimlikning néme ünümi boldi? bu 8 kishi yashawatqan döletler bularni xitaygha qayturup bérermu? dégen'ge oxshash so'allargha jawab tépish üchün mikrofonimizni bu heqte izdiniwatqan mutexessis we pa'aliyetchilerge uzattuq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.