5 Mashina tömürni oghrilap satqan ikki neper xitay ishchisi tutuldi

Se'udi erebistanida chiqidighan "el riyad" gézitining 2010 - yili8 - öktebir künidiki sanida: "mekke mukerreme saqchi orgini 5 aptomobil tömürni oghrilap sétiwetken ikki neper xitay ishchisini qolgha chüshürdi" dégen témida bir xewer élan qilin'ghan.

Xewerde mundaq dep yézilghan: "mekke mukerreme rayonluq saqchi orginining charlash etriti muqeddes jaylarning tömür yol qurulushida ishlewatqan xitay ishliridin ikki kishining 5 aptomobil tömürni se'udi erebistanliq bir neper qurulushchigha erzan bahada 33 ming amérika dolliri qimmitidiki malni (125 ming riyal pulgha teng) sétiwetkenlik délosini pash qildi. Neq meydanda tutulghan xitay ishchiliri mekke mukerreme rayonluq saqchi orginining eziziye shöbiside özlirining oghriliq jinayitini étirap qilghan. Mekke mukerre rayonluq saqchi orgini bayanatchisining gézitimizge bergen bayanigha köre, tömürni oghrilap satqanlar bu jinayetni xéli burunla pilanlighan bolup, qara bazarlardiki kélishtürgüchilerning wasitisi bilen bazar bahasidin xéli bek erzan pulgha sétiwetken. Tömürlerni alghuchi bu tömürlerning oghrilan'ghanliqini bilmestin alghanliqini dewa qilip qutulghan. Kélishtürgüchiler bilen oghrilar saqchi idarisida qamaqqa élin'ghan bolup, yéqinda sotqa chiqirilidiken."

Sirajiddin ezizi bilen söhbet

Muqeddes jaylardiki tömür yolda ishleydighan xitaylarning rezillikliri we exlaqsizliqliri heqqide köprek melumatqa ige bolush ümidi bilen wetenperwer ustaz sirajiddin ezizige bir qanche so'al bilen muraji'et qilghan iduq.

Sirajiddin ezizi mundaq dédi: " muqeddes jaylardiki ishchi xitaylarning jinayetliri bularla emes, belki gézitlerde élan qilin'ghanliri ondin yaki yüzdin biri bolushi mumkin. Élan qilinmighan qilmishliriningmu elwette köplükide shek yoq. Bu qétim pash qilin'ghan jinayet bu jaydiki ishchi xitaylar sadir qilghan bir qanche türlük mesililerning biridur. Qisqisi, mekkining chégrisining sirtida turuwatqan xitaylarni musulman emesler kirishke bolmaydighan jaylargha bilip turup kirgenliki üchün charlash etretliri tutuwalghan ehwallarmu köp. Xitay ishchilirining mundaq qilishi tebi'iy ehwal. Chünki xitaylar öz yurtliridimu ishsizliq we bashqa sewebler bilen oghriliq we bashqa jinayetlerni qilip öginip qalghanliqtin bu jaylardimu mundaq jinayetlerni rahet qilidu."

Yuqiridiki awaz ulinishidin, bu heqtiki melumatimizning tepsilatini anglaysiler.