¨Kommunist xitayning konsuli shwétsiye parlamént ezasini jim qilishqa urunmaqta¨


2007-07-03
Share

Yéqinda shwétsiye axbartlirida ¨kommunist xitayning konsuli shwétsiye parlamént ezasini jim qilishqa urunmaqta ¨dégen xewer bes-beste élan qilindi.

Xitay konsuli, téléfon arqiliq tehdit salghan

Radi'o,tiléwiziye we gézittlarda keng yer alghan bu xewerlerde xitayning shiwétsiyede turushluq bash konsuli chin jinshi'angning shiwétsiyede zor tesirge ige we shiwétsiyening hazirqi hakimiyet béshida turuwatqan mudiratlar partiyesidin bolghan parlamént ezasi, yawrupa komitétining mu'awin bashliqi yöran lindbilad ependige téléfon qilip, xitay heqqide artuqche gep sözlerde bolmasliq heqqide tehdit salghanliqi yézilghan. Xewerlerdin melum bolishche yöran lindbilad ependining may aylirining otturilirida yawrupa parlaméntida élip bérilghan xitayni démokratiyileshtürüsh heqqidiki yighinda qilghan sözliri xitay kommunist hakimiyitini qattiq bi'aram qilghan iken.

Xewerde yöran lindbilad ependining sözini neqil qilin'ghan bolup¨xitay konsuli chin jinshang men bilen körüshüsh élip bérishning zörürlikini eskertip , yawrupa parlaméntida élip bérilghan yighinning arqisida xitaygha qarshi qandaq oyunning barliqini chüshendürüp qoyushi kéreklikini bildürdi. U mining undaq yerlerde sözlep yürmeslikimni, undaq qilsam yaxshi bolmaydighanliqini tekitlidi,- deydu yöran lindbilad ependi muxbirlarning so'aligha jawap bérip.

Yöran lindlilad ependining ¨komunizimning jinayetlirini eyiblesh ¨heqqidiki teklip lahyisi

Yöran lindlilad ependi shiwétsiyede zor tesirge ige parlamént ezalirining biri bolup, uning ötken yili yawrupa parlaméntigha sun'ghan ¨komunizimning jinayetlirini eyiblesh ¨heqqidiki teklip lahyisi yawrupa parlaménti teripidin testiqlinip sowét ittipaqi rehberlikidiki kommunizm lagérining insaniyetke ekelgen ballayi apetliri qattiq tenqit qilin'ghan idi.

Yöran lindbilad ependi meyli shwétsiye parlaméntida bolsun ,meyli yawrupa parlaméntida bolsun xitaydiki insan heqliri we démokratiyisi heqqide eng köp pikir bayan qiliwatqan siyesetshunaslarning biri bolup, u shiwétsiyediki xitay démokiratchiliri we falun'gong muritliri bilen birliship köp qétim xitay hökümitige qarshi pa'aliyetlerde bolghan idi.

U tiléwiziye muxbirlirining ziyaritini qubul qilghanda mundaq deydu. ¨Xitay konsulining manga tehdit sélishi tebi'i,bu kommunistlarning we bashqa déktaturlarning xizmet usulning bir qismi.Burun men köchmenler üchün köp sözligenlikim üchün shwétsiye milletchiliri teripidin tehditke dush kelgen idim ,emdi xitay kommunistliri teripidin tehditke duch kéliwatimen, men az kündin kiyin hökümetke iran heqqide bir teklip lahyisi sunuwatimen, éniqki u chaghda men iran molliliri teripidin tehditke duch kélishim mumkin. Men bu mesilini shwétsiye tashqi ishlar ministirlikige doklat qilip bir terep qilishqa tapshurimen. Bu bir binormal ehwal ,men özemni xuddi xitayning tutquni süpitide hés qilishim kérekmu? xitay konsulxana xadimlirining shwétsiye parlamént ezalirigha yéqinlap kélishi bir xeterlik séginal."

Yuqirida shwétsiye axbaratlirida élan qilin'ghan ¨kommunist xitayning konsuli shwétsiye parlamént ezasini jim qilishqa urunmaqta¨ dégen xewer mezmunidin xewerdar boldunglar. (Yalqun)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet