Xitay hökümiti türkiyini tenqit qilghan

• Ixtiyari muxbirimiz erkin tarimning bu heqtiki melumati
• Download story audio

Türkiyide chiqidighan "yéngi shepeq" gézitide "xitay xelq jumhuriyiti türkiyini tehdit qildi köz qarishi’ témisida xewer élan qilindi. Xewerde yézilishiche xitay xelq jumhuriyitining shimaliy iraqtiki néfitqa alahide qiziqiwatqanliqi, shunga eger türkiye Uyghur teshkilatlirigha qiyinchiliq yaratmisa, u halda özliriningmu kürtlargha yardem qilidighanliqini dep, türkiyini tehdit qiliwatqan.

Maqalide yene türkiyining peqet qoralliq kürt bölgünchi heriketliriningla emes, sürgündiki Uyghur bölgünchilerning we köchmen teshkilatlirining yukinimu üstige élishqa mejbur qalghan, déyilgen. Maqalining axirida yézilishiche, xitay hökümiti wasitiliq yol arqiliq türkiyige eger türkiye sürgündiki Uyghurlargha qiyinchiliq tughdurmisa u halda bizmu kurtlerni qollaymiz dep tehdit qilghan.

Yéqinqi yillarda türkiyidiki dangliq obzorchilarmu bu heqte maqalilerni élan qilghan idi. Xitayning bu pozitsiyisi türkiyidiki sherqiy türkistan teshkilatlirining pa'aliyetlirige qandaq tesir körsiter? xitay hökümitining telipige türkiyining pozitsiyisi qandaq bolar? bu heqte köz qarishini élish üchün türkiye xitay munasiwetliri mutexessisi dr. Erkin ekrem we sherqiy türkistan medeniyet we hemkarliq jem'iyiti re'isi séyit tumtürk ependi bilen téléfon ziyariti élip barduq.