Ғулҗа шәһәрлик парткомниң рабийә қадир ханимға қарши тәшвиқатлири

• Мухбиримиз өмәр қанатниң бу һәқтики толуқ мәлумати
• Download story audio

Ғулҗа шәһәрлик партком тәшвиқат башқармиси тәрипидин нәшр қилинидиған " ғулҗа тәшвиқати" журналиниң 2008‏ - йили январ санида, " рабийә қадир шинҗаңдики һәр милләт хәлқигә бәхт елип келәләмду"," бирликсәп, дин хизмитиниң мәсулийити еғир" қатарлиқ бир нәччә мақалә елан қилинған болуп, бу мақалиләрдә хитай даирилири сизниң чәтәлләрдә елип бериватқан паалийәтлириңизни қаттиқ тәнқид қилип, бу паалийәтләрни, милләтләр иттипақлиқиға бузғунчилиқ қилидиған җинайи һәрикәтләр дәп көрсәткән.

"Рабийә шинҗаңдики һәр милләт хәлқигә бәхт елип келәләмду" мавзулуқ мақалидә, "рабийәниң қилған әткәнлири қандақтур бир диний мәсилә әмәс, миллий мәсилиму әмәс, бәлки милләтләр иттипақлиқиға еғир бузғунчилиқ қилидиған, дөләтни парчилайдиған җинайи һәрикәт. Барлиқ миллий бөлгүнчи унсурларға охшаш рабийә ғәрб дүшмән күчлириниң қоллиши билән ' демократийә' вә ' кишилик һоқуқ' ниқабини кийивелип, һәқиқәтни бурмилап, яман ғәрәз билән, җуңгу һөкүмитигә һуҗум қилип, шинҗаңни җуңгодин айрип чиқип кәтмәкчи болди" дәп көрситилгән.

" Бирликсәп, дин хизмитиниң мәсулийити еғир" сәрләвһилик мақалидә, "рабийә қадир, дөләтни парчилаш сүйиқәстидә болғачқа, һөкүмәт уни тутуп қануний мәсулийитини сүрүштә қилған иди. У чәтәлгә чиққандин кейин, америка башчилиқидики ғәрб дүшмән күчлириниң тәсиридә дөләтни парчилаш, милләтләр иттипақлиқиға вә иҗтимаий муқимлиққа бузғунчилиқ қилиш сүйиқәстидә болған. Болупму 2007‏-йили америка президенти буш билән учрашқандин кейин, дөләтни парчилаш һәрикити техиму җиддийлишип, барғансери ғалҗирлашқан. У һәммила йәрдә иғва тарқитип, башқиларни өзигә тартқан. Биз вәзийәтни ениқ тонуп, кәң хәлқ аммисиға униң әксийәтчил маһийитини тонутуп, рабийә қадирниң алдамчилиқини ашкарилишмиз керәк" дәп тәкитләнгән.

юқиридики улиништин, мухбиримиз өмәр қанатниң рабийә қадир ханим билән өткүзгән сөһбитиниң мәзмунини диққитиңларға сунимиз.