Ghulja sheherlik partkomning rabiye qadir xanimgha qarshi teshwiqatliri


2008-03-04
Share

Ghulja sheherlik partkom teshwiqat bashqarmisi teripidin neshr qilinidighan " ghulja teshwiqati" zhurnalining 2008‏ - yili yanwar sanida, " rabiye qadir shinjangdiki her millet xelqige bext élip kélelemdu"," birliksep, din xizmitining mes'uliyiti éghir" qatarliq bir nechche maqale élan qilin'ghan bolup, bu maqalilerde xitay da'iriliri sizning chet'ellerde élip bériwatqan pa'aliyetliringizni qattiq tenqid qilip, bu pa'aliyetlerni, milletler ittipaqliqigha buzghunchiliq qilidighan jinayi heriketler dep körsetken.

"Rabiye shinjangdiki her millet xelqige bext élip kélelemdu" mawzuluq maqalide, "rabiyening qilghan etkenliri qandaqtur bir diniy mesile emes, milliy mesilimu emes, belki milletler ittipaqliqigha éghir buzghunchiliq qilidighan, döletni parchilaydighan jinayi heriket. Barliq milliy bölgünchi unsurlargha oxshash rabiye gherb düshmen küchlirining qollishi bilen ' démokratiye' we ' kishilik hoquq' niqabini kiyiwélip, heqiqetni burmilap, yaman gherez bilen, junggu hökümitige hujum qilip, shinjangni junggodin ayrip chiqip ketmekchi boldi" dep körsitilgen.

" Birliksep, din xizmitining mes'uliyiti éghir" serlewhilik maqalide, "rabiye qadir, döletni parchilash süyiqestide bolghachqa, hökümet uni tutup qanuniy mes'uliyitini sürüshte qilghan idi. U chet'elge chiqqandin kéyin, amérika bashchiliqidiki gherb düshmen küchlirining tesiride döletni parchilash, milletler ittipaqliqigha we ijtima'iy muqimliqqa buzghunchiliq qilish süyiqestide bolghan. Bolupmu 2007‏-yili amérika prézidénti bush bilen uchrashqandin kéyin, döletni parchilash herikiti téximu jiddiyliship, barghanséri ghaljirlashqan. U hemmila yerde ighwa tarqitip, bashqilarni özige tartqan. Biz weziyetni éniq tonup, keng xelq ammisigha uning eksiyetchil mahiyitini tonutup, rabiye qadirning aldamchiliqini ashkarilishmiz kérek" dep tekitlen'gen.

Yuqiridiki ulinishtin, muxbirimiz ömer qanatning rabiye qadir xanim bilen ötküzgen söhbitining mezmunini diqqitinglargha sunimiz.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet