Хитай қозғиған йеңи соғуқчилиқ уруши


2007.12.03

Радиомиз мухбириниң хәвәр қилишичә, һазир дуняда қарши тәрәпниң мәхпийәтликини оғрилайдиған, қарши тәрәпниң компютер сестимисини паләч қиливетидиған яки шәхсий компиютерларниң хәлқаралиқ торға улинишини паләч қилип қойидиған 'интернет соғуқчилиқ уруши' давамлишиватиду.

Хитай тунҗи болуп сиясий, һәрбий мәқсәтлиригә йетиш үчүн тор арқилиқ җасуслуқ қилишни йолға қойған дөләт

Америкидики макифей тор бихәтәрлики ширкитиниң саһипи грин әпәндиниң қаришичә, интернет арқилиқ санаәткә, шәхсийләргә, һәтта дөләткә тәһдит салидиған җинайәт садир қилиш мәсилиси хәлқаралиқ мәсилә болуп қалди. Хитай болса тунҗи болуп сиясий, һәрби мәқсәтлиригә йетиш үчүн тор арқилиқ җасуслуқ қилишни йолға қойған дөләт.

Дуняда һазир көпинчә дөләт хитайниң сиясәтлирини рәт қиливатқан болғачқа, униң һәрбий даирилири шималий атлантик окян әһди тәшкилати (нато) ниң органлириға, һәтта өзигә иттипақдаш дөләтләргиму хаккер (компютер вируси) киргүзиватиду. Дуня әмди бу мәсилини һәл қилишқа тегишлик мәсилиләр тәртипигә қоймай мумкин әмәс.

Хитай тор соғуқчилиқ урушини шәхсийләргичә кеңәйтти

явропада чиқидиған ғәрб шамили журнилиниң тәһрири абдуришит һаҗи кериминиң қаришичә, хитай қозғиған тор соғуқчилиқ уруши һазир җиддийләшкән.

Дуняда тор җинайәтчилиригә тақабил туруш техника җәһәттила әмәс, бәлки бир туташ хәлқаралиқ қанунға муһтаҗ

Америкидики охайо университети қанун паколтетиниң профессори җу зиҗиң әпәндиниң баян қилишичә, хәлқарада иқтисадий учурлар сипир яки бәлгиләр арқилиқ дөләтләр ара очуқ алмаштурилиду. Дөләтләр ара алмаштурулидиған һәр хил учурларни оғрилап кетиш һазир дуняда бир чоң мәсилә болуп қалди. Учур оғрилаш хаккер әвәтиш арқилиқ орунлиниватиду.

Хаккер қоллиниш бирәр шәхсийниң иши әмәс, у мәлум гуруһ яки тәшкилатниң мәқсәтлик хаһиши. Бу 'торда җинайәт садир қилғанлиқ' болуп һесаблиниду. Хәлқарада һазир бундақ тор соғуқчилиқ урушиға тақабил туруш техника җәһәттила әмәс, бәлки бир туташ хәлқаралиқ қанунға муһтаҗ.

Абдуришит һаҗи керими әпәнди хәлқара тәшкилатлардин хитай қозғиған тор соғуқчилиқ урушиға қарита қанунлуқ тәдбир қоллинишни тәләп қилди. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.