Xitay hökümitining 3 parche zhornili türkiyide sétilishqa bashlidi


2007-07-27
Share

Xitay xelq jumhuriyiti neshir qilidighan 3 muhim zhurnal én'glizche neshri bilen türkiyide tarqitilishqa bashlidi. Beijing Review Béyjinggha nezer,China Today bügünki junggo we China Pictorial junggo resimlik zhurnili qatarliq zhurnallar 7-aydin bashlap türkiyide sétilishqa bashlidi.

Xewerde yézilishiche, xitayda neshir qilinidighan bu zhornallarning türkiyide sétilishi türkiyidiki doghan - burda zhurnalchiliq guruppisi we türkiye- xitay iqtisadiy tengpungluq merkizi TUKEM ning hemkarlishishi bilen emelge ashqan. Xewerde yézilishiche yene, bu ikki orun zhornallarni bu yil küzdin bashlap türk tilida neshir qilip tarqitishqa teyyarliq qilmaqta iken.

Xewerde yene, türkiyide 10 liradin sétiliwatqan China Pictorial zhurnili xitay medeniyitini, xitay tarixini, jughrapiyisini we sayahet rayonlirini bilishni xalaydighanlar üchün teyyarlandi, dep yézilghan we bu zhurnalgha mushtiri bolushni xalaydighanlar üchün alaqilishish adrési bérilgen.

Yéqindin béri xitay hökümitining türkiyidiki teshwiqat pa'aliyetlirini bundaq kücheytishi kishilerning diqqitini tartmaqta. Mesilen, türkiyidiki ottura sherq uniwérsitéti bilen ortaqliship xitay medeniyiti tetqiqat merkizi achmaqchi bolghanliqi, téxi yéqindila yön radi'osida Uyghurche anglitish bérishke bashlishi we emdilikte bu zhornallarning türkiye bazirigha kirishi némining ipadisi? beziler buning yaxshi bir ehwal ikenlikini déyishse, yene beziler xitayning türkiyidiki teshwiqat pa'aliyetlirini kücheytishtiki asasliq meqsitining türkiyidiki Uyghur herikitige zerbe bérish ikenlikini eskertmekte. (Erkin tarim)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet