Xitayning 'türkiyide xitayni chüshinish' pa'aliyiti meqsitige yételemdu?

Xitayning "türkiyide xitayni chüshinish" pa'aliyiti dawamlashmaqta. Mezkür pa'aliyetning kün tertipi boyiche xitay milletler muzika we usul ömiki namidiki ömek, bir kün ilgiri türkiyining paytexti enqerede sen'et nomuri körsetken bolup, 19 ‏- öktebir seyshenbe küni mezkür sen'et nomurliri istanbuldiki erdem béyazit medeniyet merkizide körsitilgen.
Muxbirimiz eqide
2010-10-19
Share
Uyghurche-naxsha-izzet-ilyas-1-305 Sürette, 10 - ayning 17 - küni "türkiyide xitayni chüshinish" paaliyitide, dangliq uyghur naxshichisi izzet ilyas sehnide.
RFA Photo / Ekin Tarim

Istanbulda yashawatqan Uyghurlar xitay elchixanisining orunlashturushi bilen, "aldin tizimlitish sherti" boyiche resmiyet ötimigenliki üchün, medeniyet merkizining zaligha kirgüzülmigen. Bu ehwal türkiyidiki Uyghurlarning qattiq naraziliqini qozghidi.

Istanbuldiki erdem béyazit medeniyet merkizide asasliq Uyghurlarning sen'et nomurliri körsitilgen Bolsimu, biraq xitay elchixanisining orunlashturushi buyiche, türk saqchiliri "aldin tizimlitish sherti" bilen béletke érishelmigen Uyghurlarning zal ichige kirishini tosighan.

Erk téléwiziyisining bashqurghuchisi abduraxman öztürk ependi, türklerning yardimi bilen "erdem béyazit medeniyet merkizi" ge kirish imkaniyitige érishken. U sen'et nomuri körsitiliwatqan neq meydanda turup ziyaritimizni qobul qildi.

Abduraxman öztürk ependi bizge sehnide körsitiliwatqan sen'et nomurliri we özining héssiyatini bildürüp, sherqiy türkistanning ay yultuzluq kök bayriqini yoshurup élip kirgenlikini, eger shara'it yar berse bayraqni sehnige kötürüp chiqip, öz wetinidin kelgen sen'etchiler bilen didarlishidighanliqini bildürdi.

Türkiyidiki sherqiy türkistan wexpining bashliqi hamutxan göktürk ependi, xitayning "türkiyide xitayni chüshinish" pa'aliyitining héchqachan özi közligen meqsetke yételmeydighanliqini bildürdi.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet