Xelq'ara kishilik hoquqni közitish teshkilatining tyen'enmén weqesi toghriliq bayanati
4 - Iyun tyenenmén weqesi uyushmisining logoliridin biri.
RFA
u0513-pmx
4 - Iyun tyen'enmén weqesining 20 yilliq xatire küni yétip kélish aldida turmaqta. Xitay démokratliri bu künni zor daghdugha bilen xatirileshning teyyarliqida. Xitay hökümiti, bu künde birer weqe chiqip qélishining aldini élish tirishchanliqida. Xelq'ara insan heqliri teshkilatliri bolsa, weziyetni hazirdin bashlap közetmekte.
Bügün xelq'ara kishilik hoquqni közitish teshkilati mexsus bayanat élan qilip, aridin 20 yil ötken bolsimu, xitayning 4 - iyun weqesige qarita bahasining özgermigenlikini, bu ehwalning xitayning nöwettiki iqtisadiy we ijtma'iy tereqqiyatigha mas kelmeydighanliqini bildürdi.
Mezkur teshkilatning asiya ishliri mes'uli sopiye richardson xanim, xitay 4 - iyun tyen'enmén weqesige qayta baha bermey turup, xitayda pikir erkinliki bolmay turup, edliye séstimisi musteqil bolmay turup, xitayning qudretlik dölet sanalmaydighanliqini, bu sewebtin, dunya bilen bolghan iqtisadiy, siyasiy we eskiriy hemkarliqining her waqit tosalghugha uchraydighanliqini eskertti.
Xelq'ara kishilik hoquqni közitish teshkilati bügün bir doklat élan qilip, 4 - iyun tyen'enmén weqesige chétilip, ziyankeshlikke uchrighan we uchrawatqanlarning tizimlikini élan qildi. Tizimlikte, lyu shawbo, ding zilin , jyang yenyung we wang den qatarliq kishilerning isimliki we uchrighan ziyankeshlikliri bayan qilin'ghan.
Wang den tyen'enmén weqesi heqqide muxbirlargha qilghan sözide, xitay xelqining shu mezgilde tunji qétim erkin pikir qilish pursitige érishkenlikini, shu mezgilde otturigha chiqqan telep we iradining xitay xelqining heqiqiy telep we arzusi ikenlikini bildürdi. U sözide, xelq iradisining haman bir küni hakimiyet béshigha kélidighanliqigha ishinidighanliqini bildürdi.
Chet'eldiki Uyghur pa'aliyetchilirimu, 4 - iyun xatirisini diqqet bilen közitip kéliwatqan tereplerning biri. Amérikida yashawatqan siyasiy közetküchi ilshat ependimu bu heqte qarashlirini otturigha qoydi.
Yuqiridiki awaz ulinishidin, bu heqtiki melumatimizning tepsilatini anglaysiler.
- Nuri türkel: “Méning komissarliq xizmitim bolsun we yaki hazirqi re'islik xizmitim bolsun hemmisi asasliq Uyghurlarning xizmitini qilishni merkez qilghan”
- Bextiyar böre: “Men Uyghur, men térrorchi emes, irqiy qirghinchiliqni toxtat”
- Amérika Uyghur akadémiyesining 3-nöwetlik saylimida aldinqi xizmetler xulasilinip yéngi pilanlar otturigha qoyuldi
- Dunya musapirlar künide Uyghur musapirlirini kanadagha yerleshtürüsh heqqide teklip layihesi sunuldi
- B d t ning ichki qismidiki nishanigha muxalip qilmishliri we Uyghur mesilisi
