Уйғур миллий һәрикитиниң террорчилиқ билән алақиси йоқ


2007-09-14
Share

11 - Сентәбир вәқәсиниң алтә йиллиқи дуня миқясида хатирилиниватқан бир мәзгилдә, пүткүл мәтбуатлар бу вәқәниң тәсири һәққидә һәр хил анализлар елип барди. Германийә долқунлири радиосиниң 9 - айниң 12 - күни елан қилған хәвиригә асасланғанда, улар "11 - сентәбир вәқәсиниң хитайға қандақ тәсири болди?" дегән темида хитай пуқралири арисида рай синаш елип барған.

Бәзи хитайлар бу вәқәниң хитай билән алақиси йоқлуқини, хитайда "шәрқий түркистан террорчилири" әзәлдин мәвҗут болсиму, уларниң һәрикитиниң алаһидә бир тәсир қозғиғудәк дәриҗидә әмәсликини оттуриға қойған. Йәнә бәзи хитайлар 11 - сентәбир вәқәсиниң хитайдики аз санлиқ милләтләргә еғир ақивәтләрни елип кәлгәнликини, террорлуққа қарши туруш баһаниси билән, хитайниң аз санлиқ милләтләр үстидин қирғинчилиқ елип барғанлиқини, уйғурлар вә тибәтликләрниң миллий даһилиридин рабийә қадир ханим вә далай ламани террорлуқ категорийисигә киргүзивалғанлиқини тәкитлигән.

Биз 2003 - йили 12 - айниң 15 - күни хитай җамаәт хәвпсизлик министирлиқи тәрипидин террорчи тизимликигә киргүзүлгән 11 шәхисниң бири болған д у қ ниң баш катипи, яврупа шәрқий түркистан бирлики тәшкилатиниң рәиси долқун әйса әпәнди билән, 11 - сентәбир вәқәсиниң уйғур миллий һәрикитигә болған тәсири һәққидә сөһбәт елип бардуқ.(Әкрәм)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт