Xitay, Uyghur élida milletler ittipaqliqini ishqa ashuralamdu?

Uyghur aptonom rayonidiki kompartiyining ittipaq komitéti, rozi héyt we xitayning tawuz chaghini harpisida pütün Uyghur ili miqyasida, "méhir muhebbetni emeliyetke singdürüsh pa'aliyiti" dégen'ge oxshash namlarda türlük pa'aliyetlerni uyushturup, milletler ittipaqliqini kücheytidighanliqini otturigha qoymaqta.
Muxbirimiz eqide
2010-09-07
Élxet
Pikir
Share
Print
Süret, xitay uyushturghan "men sizning öyingizge bérip sangza yey , siz méning öyümge kélip ay toqichi yeng" témisidiki "ittipaqliq" paaliyetliridin bir körünüsh.
Süret, xitay uyushturghan "men sizning öyingizge bérip sangza yey , siz méning öyümge kélip ay toqichi yeng" témisidiki "ittipaqliq" paaliyetliridin bir körünüsh.
www.xjtsnews.com Din élindi.

Biraq chet'ellerdiki Uyghurlar xitayning bu xil wastilirining buningdin kéyin ikki millet otturisidiki ziddiyetni hergizmu yaxshiyalmaydighanliqini bildürmekte.

Uyghur élida milletler ittipaqliqidin söz échish esla mumkin bolmighan bu peytlerde, xitay axbarat wastiliridin tengritagh Uyghur torida, xitayning Uyghur aptonom rayonidiki ittipaq komitéti, pütün rayon miqyasida "Men sizning öyingizge bérip sangza yey, siz méning öyümge kélip ay toqichi yeng" dégen Témida, méhir - muhebbetni emeliyetke singdürüsh pa'aliyiti uyushturghanliqi élan qilindi.

Xewerde xitayning her derijilik ittipaq teshkilatliri we pi'onérlar teshkilatliridiki ösmürlerning pa'aliyetke qatniship, bir - birining öyige méhman bolushup, her millet xelqining özgiche en'eniwi yémeklikini tétip körüsh bilen birge, shinjangdiki her millet xelqining özgiche en'eniwi medeniyiti bilen tonushqanliqi, bu pa'aliyet arqiliq ösmürler arisidiki milletler ittipaqliqi héssiyati téximu kücheytilgenliki tekitlen'gen.

Xewerde ittipaq komitéti uyushturghan bu pa'aliyetke her derijilik ittipaq teshkilatliri we ösmür balilar qatnashqanliqi qeyt qilin'ghan bolup, balilarning öz ixtiyariyliqi bilen emes, teshkili yosunda mejburiy élip bérilghanliqi melum bolmaqta.

Bolupmu, 5 - iyul ürümchi weqesi yüz bergendin kéyin, radi'omiz qolgha chüshürgen we Uyghur ilidin chet'ellerge tughqan yoqlash üchün kelgen kishiler teminligen pakitliq matériyallargha asaslan'ghanda, nöwette Uyghur ilida Uyghurlar bilen xitaylar arisida tesewwur qilish intayin qéyin bolghan ziddiyetning mewjut ikenliki bildürülmekte.

Undaqta néme üchün xitay da'iriliri héyt, bayram munasiwetliridin paydilinip özining ittipaqliq teshwiqatlirini kücheytishke urunidu shuningdek yash - ösmürlerni bu xil siyasiy pa'aliyetlirige qatnishishqa mejburlaydu ?

Amérikidiki kishilik hoquq pa'aliyetchisi turdi ghoja ependi, xitayning hazirqi peytte, bolupmu yash - ösmürlerge milletler ittipaqliqini kücheytish terbiyisi élip bérishtiki meqsiti toghrisida mulahize yürgüzdi.

Xitay Uyghur ilida milletler ittipaqliqini qolgha keltürüsh üchün qandaq qilishi kérek? qandaq siyasetlerni qollan'ghanda Uyghurlar bilen xitaylar otturisidiki milliy ziddiyetke xatime bergili bolidu.

Bu mesililer heqqide toxtalghan amérika Uyghur kishilik hoquq programmisining diréktori alim séyitof ependi, milletler ittipaqliqini qolgha keltürüshning muhim shertlirining milletler hoquqining teng we barawer bolush ikenlikini otturigha qoydi.

Yuqiridiki awaz ulinishidin, bu heqtiki melumatimizning tepsilatini anglaysiler.

Toluq bet