'Wetenperwer muhajirlar ömiki'ning xitay ziyariti axirlashti

Xitay hökümiti her yildikige oxshash bu yilmu 7 - ayning 20 - künidin 8 - ayning 5 - künigiche qazaqistan, qirghizistan, özbékistan, awstraliye, pakistan we türkiye qatarliq 6 dölettin 45 kishini béyjing, shangxey, qeshqer, turpan we ürümchi qatarliq sheherlerni ékskursiye qildurghan.
Muxbirimiz erkin tarim
2010-08-10
Élxet
Pikir
Share
Print
5 - Iyul weqesidin kéyin, ürümchi kochilirida xitay qoralliq saqchilirining "qanunsiz unsurlarni qattiq jazalash" dep yézilghan pilakat arqisda turghan körünüshliri.
5 - Iyul weqesidin kéyin, ürümchi kochilirida xitay qoralliq saqchilirining "qanunsiz unsurlarni qattiq jazalash" dep yézilghan pilakat arqisda turghan körünüshliri.
Photo: RFA

Bu ékskursiye ömikige  türkiyidin 3 Uyghur, 2 qazaq qatnashqan bolup, Uyghurlardin sabir bughda, wolqan öztürk we dilshat Uyghuroghli, qazaqlardin abdulla aqay we abdulla malqoch qatarliq kishiler ömek terkibidin orun alghan.

7 - Iyul ürümchi weqesidin kéyin xitay muhajirlar ishxanisi, aptonom rayonluq tashqi ishlar ishxanisi we aptonom rayonluq muhajirlar ishxanisi qatarliq organlarning asasliq emeldarliridin terkip tapqan hey'etler arqa - arqidin chet'ellerdiki Uyghurlar zich yashawatqan jaylargha bérip , her xil wasitilerni qollinip chet'elde yashawatqan Uyghurlar bilen yéqin munasiwet ornitishqa tirishmaqta.

Hetta, "wetenperwer Uyghurlar ömiki" uyushturup Uyghur diyarini ékskursiye qildurmaqta. Chet' elde pa'aliyet élip bériwatqan sherqiy türkistan ammiwi teshkilatliri mes'ulliri we Uyghur pa'aliyetchiler bu ékskursiye ömikining atalmish "wetenperwer muhajirlar ömiki" ikenliki, xitay hökümitining bu arqiliq xelqning milliy siyasiy dewagha bolghan qollishini we hörmitini ajizlashturushni meqset qilidighanliqi, emma Uyghurlarning mezkur ömekke qatnashqanlarni eyibleydighanliqini bildürmekte.
    
Bu ömekke qatniship béyjing shangxey, qeshqer, turpan we ürümchi qatarliq sheherlerni ékskursiye qilip kelgen Uyghurlar bu heqte némilerni oylawatidu? bu heqte köz qarishini élish üchün ismini ashkarilashni xalimighan bir Uyghur bilen söhbet élip barduq.

Ömekke qatnashqan sabir bughda isimlik Uyghur bolsa ziyaritimizni qobul qilmidi.

Yuqiridiki awaz ulinishidin, bu heqtiki melumatimizning tepsilatini anglaysiler.

 
Toluq bet