Хитай, уйғур елидә пәқәт хитай тилидин ибарәт бир тиллиқ маарипни кеңәйтмәктә


2007-08-28
Share

Хитай һөкүмити 2000 - йилидин башлап хитай өлкилиридики бир қисим оттура мәктәпләрдә шинҗаң синипи тәсис қилип, уйғур вә башқа хитай болмиған милләт балилирини таллап пүтүнләй хитай маарипида тәрбийиләп келиватқан иди.

Хитай ахбарат васитилириниң ашкарилишичә, уйғур аптоном районлуқ маарип назарити хитай өлкилиридә ечилған мәзкүр шинҗаң толуқ оттура синиплириниң әндизиси буйичә, уйғур елидики үрүмчи, санҗи, шихәнзә, қарамай,ақсу, корла, қумул қатарлиқ сәккиз шәһәрдики бир қисим оттура мәктәпләрдиму, йирақ чәт җайлардики оқуғучиларни қобул қилип, мәхсус хитай маарипида тәрбийиләйдиған аптоном районниң ичидики толуқ оттура синиплири тәсис қилған. Шундақла, бу синипларда 9 - айдин етибарән оқуш башлашни қарар қилған.

Хитай һөкүмитиниң йәниму көп уйғур оқуғучиларни пәқәт хитай тили маарипидила тәрбийиләшни күчәйтиватқанлиқи, әзәлдин хитайниң қош тиллиқ маарип сияситигә наразилиқ билдүрүп кәлгән уйғур паалийәтчилири һәм зиялийларда күчлүк инкас қозғимақта.

Бу мунасивәт билән мухбиримиз гүлчеһрә, уйғур миллий һәрикитиниң рәһбири рабийә ханимниң ярдәмчиси руқийә ханим билән сөһбәттә болди.

юқиридики улиништин, бу сөһбәтниң тәпсили мәзмунлирини мухбиримиз гүлчеһрә силәргә суниду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт