Xitaydiki kitab nomuri sodisi we mesililer

Xitaydiki herqandaq bir neshriyat idarisining eng ali hoquqi shu idaridiki kompartiye sékritarining qolida bolup, herqandaq bir kitab neshr qilinish üchün aldi bilen kommunist partiye teshkilining testiqidin ötüshi kérekliki melum.

Boshun tor bétining yézishiche, gu'angdong ölkilik saqchi nazaritining ismini ashkarilashni xalimighan bir rehbirining bayan qilishiche, gu'angdong olkisidiki herqaysi neshriyat idarilirida, kitab nomurlirini sétish hadisisi éghir bolup, bu ish tereqqi qilip bir kitab nomurini birnechche qétim takrar sétishtek qilmish adettiki ehwalgha aylinip qalghan.

Uning déyishiche jamamet xewpsizlik idarisining bir rehbiri xadimi oxshash waqit ichide ikki parche kitab sétiwalghan bolup, u bu ikki parche kitapning kitab nomurining oxshash ikenlikini bayqighan. U tekshürüsh arqiliq bu kitab nomurining gungdong ölkilik soda inistitutining neshriyati teripidin bérilgen nomur ikenlikini éniqlap chiqqan. Shu sewebtin xitayda kitab nomuri sodisi ewj alghan. Hazir xitayda bir kitabni neshr qilish ruxsiti yeni shu kitapning kitab nomuri élish üchün xejlinidighan pul xitay xelq puli hésabigha 15 ming yü'en etrapida bolup, xitay dunyada axbarat erkinliki qattiq cheklinidighan dölet bolupla qalmastin yene dunyada kitab nomuri sodisi qilidighan birdin - bir dölet bolup turmaqta.

Xitayda kitab nomurini testiqlashni pul tepishning wastisi qiliwalghan, kompartiye emeldarliri xitayning herqaysi olkilirige tarqalghan bolup, neshiriyat we axbarat kontrolluqi xitayning herqandaq ölkilirige qarighanda qattiq dep qaralghan Uyghur aptonom rayonida Uyghurlar üchün kitab nomuri élish téximu tes bolup, Uyghur élidiki neshriyat orunlirida bu xil ehwalning éghir ikenlikini, ilgiri Uyghur élidiki neshriyat idarilirida ishligen melum bir ziyaliy bayan qilghan idi.

Uyghur élidiki neshiriyatchiliq mesililiri heqqide türkiyining istanbul shehiridiki teklimakan Uyghur neshiriyatining igisi, neshiriyatchi abdujélil turan ependi öz köz qarashlirini otturigha qoydi.

Elwette, xitay boyiche körülüwatqan neshiriyatchiliq sahesidiki bu mesililer Uyghur élide téximu gewdilik boluwatqanliqi heqqide türlük emeliy misallarni körsitish mumkin.