Xitay hökümitining yash Uyghur qizlirini ishqa orunlashturush bahasida xitay ölkilirige yötkeshtiki heqiqiy meqsiti néme?
2007.01.16
Yéqinda qeshqer wilayetlik hökümet axbarat tor bétide yopurgha nahiyisining 2006 - yili bir yil ichide jem'iy 2450 neper ish kütüp turghuchining xitay ölkilirige xizmetke orunlashturush pilanini orunlap bolghanliqi heqqide xewer bérildi.
Xewerde éytilishiche yopurgha nahiyisining her qaysi yéza kentliridin xitay ölkilirige ewetilgen bu déhqanlar, hökümetning orunlashturushi bilen mulazimet hemde kiyim kéchek pishshiqlap ishlesh kesipliri boyiche qisqa mezgil terbiyilen'gendin kéyin xitay ölkiliride munasiwetlik kesiplirige xizmetke orunlashturulghan iken.
Ilgirimu xitay hökümitining Uyghur élining qeshqer, xoten aqsu hemde ili qatarliq jayliridin kirimi töwen déhqanlarni, bolupmu Uyghur qizlarni türkümlep xitay ölkiliridiki zawut karxanilargha xizmetke orunlashturushqa élip ketkenliki heqqide melumatlargha ige bolghan iduq. Gerche xitay hökümiti Uyghur élidin kirimi töwen déhqanlarni hemde ishsiz yashlarni kirim menbesige ige qilish üchün xitayning chong sheherlirige ishqa orunlashturush pilanini ishqa ashuriwatqanliqini teshwiq qiliwatqan bolsimu emma hökümetning bu pilanida asasliq qiz ayallarnila tallash obyékit qiliwatqanliqi nurghun Uyghurlarning gumanlirini qozghighan. Chet'ellerdiki Uyghurlar hetta buni xitay hökümitining irqiy jehettin assimilyatsiye qilish suyiqesti yoshurun'ghan pilan depmu bahalashqan idi.
Biz bu xil pikir hem köz qarashlarning asasiy bar yoqliqi shundaqla xitay hökümitining Uyghurlarni xitay ölkilirige xizmetke orunlashturush pilanini qandaq élip bériwatqanliqigha da'ir melumatlargha ige bolush üchün qeshqer yopurgha nahiyisining yézilirigha téléfon qilduq.
Yopurgha qeshqerning asasen Uyghurlar olturaqlashqan yéza igilikni asas qilghan kichikrek nahiyilirining biri. Shundaqla bu nahiye Uyghur aptonum rayoni boyiche namrat nahiyiler qatarida sanilidu. Mezkur nahiyidin bir yil ichide 2500 ge yéqin yash qizlarning xitay ichide Uyghur élige eng yiraq bolghan shendung ölkisige, yeni Uyghur aptonum rayonining partkom sékrétari wangléchu'enning yurtigha yötkilishi yéza déhqanlirida, ata anilarda qandaq inkaslarni peyda qildi? xitay ölkilirige xizmetke orunlashturush bahanisida élip kétilgen Uyghur yash déhqan qizlirining xitay ölkiliridiki teqdiri qandaq bolmaqta ? bu heqte kéyinki programlirimizda silerni yenimu tepsili melumatlargha ige qilishqa tirishimiz.
Munasiwetlik maqalilar
- Peyziwatliq Uyghur qizlar ichkiri ölkilerde ishleshke mejburi élip kétildi
- Uyghur diyaridiki namrat ishsiz yashlar shénjén'gha apirilidiken
- Xitayda 2005 – yilimu yene minglighan adem ölüm jazasigha höküm qilindi
- Uyghur yashlirining ichkirige mejburiy élip kétilishige a'it heqsiz liniye söhbiti
- Xitay hökümiti peqet peyziwat nahiyisidila 400 neper Uyghur qizni xitay ölkilirige yötkep ketti
- Xitay ölkilirige aldap kétilgen Uyghur balilirining teqdir- qismetliride yenila özgirish yoq
- Amérika adem etkeschiliki mesilisi heqqide doklat élan qilip xitayni tenqidlidi
- Balilargha bayramliq tilekler
- Shwétsiyidiki ikki xitay puqrasi adem sodisi bilen shughullan'ghanliqi sewebidin qolgha élin'ghan
Köp körülgen xewerler
RFA
- Istanbulda Uyghur ta'amliri musabiqisi ötküzüldi
- Amérikaning “Uyghur mejburiy emgikining aldini élish qanuni” xitayni qanchilik derijide “Bi'aram” qiliwatidu?
- “Yéngi hayat” gézitide néme deydu?: mehmut muhitigha qilin'ghan suyiqestning aldi-keynide
- “Uyghur” namini özgertish némige zörür bolup qaldi?
- A'ile ezaliri ghayib qiliwétilgen Uyghurlar xelq'araning xitaygha téximu küchlük bésim qilishini telep qilmaqta