" Bir a'ilidin birni" élip méngish siyasiti buyiche Uyghur yashliri xitay ölkilirige bérishqa mejburlanmaqta


2007-03-21
Share

Bügün tengritagh tor bétide bérilgen xewerdin melum bolushiche, xitayning Uyghur élidiki emgek küchlirini xitaygha yötkesh pilani buyiche,-2007 yili Uyghur élidin xitay ölkilirige yötkelmekchi bolghan texminen bir milyon ikki yüz ming emgek küchlirining yérimini yeni 600 mingini yézilardiki déhqan emgek küchliri teshkil qilidiken.

Shundaqla hazir xitay hökümitining mezkur pilanini ishqa ashurush üchün kéyinki besh yil ichide Uyghur yézilirida" her bir a'ilidin bir ademni xitay ölkilirige yötkesh" siyasiti buyiche ish tutuwatqan bolup , her qaysi yerlik yeni yéziliq hökümetler öz yéziliridiki déhqanlarning perzentlirini xitay ölkilirige ishchiliqqa ewetishi heqqide teshwiqat ishlirini kücheytken .

Oqutquchilargha "az dégende bir qizni tépish" wezipe qilindi

Gerche xitay hökümiti Uyghur élidiki éshinchi emgek küchlirini xitay ölkilirige yötkesh pilanini xelqning ixtiyarliqi bilen élip bériwatqanliqini teshwiq qiliwatqan bolsimu, emma Uyghur yéziliridiki déhqanlardin igiliginimizdek bezi Uyghur yashliri xitay ölkiliridiki zawut ‏- karxanilargha mejburiy élip kétilgen . Bu heqte qeshqer peyziwat nahiyisining melum yézisidin téléfon ziyaritimizni qobul qilghan bir yash öz yézisida yüz bériwatqan ehwallarni sözlep berdi.

Rabiye qadir: "bu yölesh emes , xitay hökümiti Uyghur perzentlirini erzan qul qilmaqta ...."

Uyghur élidin xitay ölkilirige élip kétilgen yéza emgek küchlirining köp sandikisini Uyghur qizliri igileydu,xitay hökümitining Uyghur qizlirini yallanma ishchiliqqa tallighanda , "chirayliq bolush, toy qilmighan" bolush dégendek shertlerni qoyushi , hetta ularni mejburlap élip méngishi chet'ellerdiki Uyghur teshkilatliri hemde Uyghur pa'aliyetchilirining naraziliqi shundaqla qarshiliqini qozghimaqta. Bu heqte Uyghur milliy herikitining yétekchisi, dunya Uyghur qurultiyining re'isi rabiye qadir xanim ziyaritimizni qobul qilip, mezkur mesilining özining hemmidin köngül bölüwatqan bir mesile ikenlikini otturigha qoydi.

Ilgiri ziyaritimizni qobul qilghan Uyghur déhqanlar perzentlirining xitay hökümiti teripidin meyli qandaqla meqsette bolmisun, xitay ölkilirige mejburiy élip kétishini toxtitishqa ,xelqara jem'iyetning shundaqla munasiwetlik tarmaqlarning yardem bérishini sorimaqta. Shundaqla rabiye xanim ziyaritimiz axirida, peqet chet'ellerdiki Uyghurlarla emes, pütün Uyghur xelqining xitay hökümitining Uyghur yashlirini türkümlep xitay ölkilirige yötkishidek mesilige köngül bölüp, uni tosup qélishini tewsiye qildi. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet